헬라어 텍스트

Polybius, Histories, book 5, chapter 52

(폴리비오스, Histories, book 5, chapter 52)

πρὸσ τὰσ τοῦ βασιλέωσ ἐλπίδασ. κριθείσησ δὲ τῆσ τοῦ Ζεύξιδοσ γνώμησ, παραυτίκα διελόντεσ τὴν δύναμιν εἰσ τρία μέρη κατὰ τριττοὺσ τόπουσ τοῦ ποταμοῦ διεπεραίουν τὸ πλῆθοσ καὶ τὰσ ἀποσκευάσ. χρησάμενοι δὲ κατὰ τὸ συνεχὲσ ἐντεῦθεν ταῖσ ἀναζυγαῖσ ὀγδοαῖοι τὸ καλούμενον Ὀρεικὸν ὑπερέβαλον καὶ κατῆραν εἰσ Ἀπολλωνίαν.

σπεύδων, εἰ δύναιτο, προκαταλαβέσθαι τὴν τραχεῖαν τῆσ Ἀπολλωνιάτιδοσ διὰ τὸ πιστεύειν τῷ πλήθει τῶν σφενδονητῶν τῶν προσαγορευομένων Κυρτίων.

πράξασ δὲ τὸ κριθὲν ταχεῖαν ἐποιεῖτο καὶ σύντονον τὴν πορείαν.

ἅμα δὲ τοῦ τε Μόλωνοσ συνάπτοντοσ τοῖσ προειρημένοισ τόποισ καὶ τοῦ βασιλέωσ ἐκ τῆσ Ἀπολλωνίασ ὁρμήσαντοσ μετὰ πάσησ δυνάμεωσ, συνέβη τοὺσ ὑπ’ ἀμφοτέρων προαποσταλέντασ εὐζώνουσ ἅμα συμπεσεῖν ἐπί τινασ ὑπερβολάσ·

οἳ τὸ μὲν πρῶτον συνεπλέκοντο καὶ κατεπείραζον ἀλλήλων, ἐν δὲ τῷ συνάψαι τὰσ παρ’ ἀμφοῖν δυνάμεισ ἀπέστησαν.

καὶ τότε μὲν ἀναχωρήσαντεσ εἰσ τὰσ ἰδίασ παρεμβολὰσ ἐστρατοπέδευσαν τετταράκοντα σταδίουσ ἀπ’ ἀλλήλων διεστῶτεσ· τῆσ δὲ νυκτὸσ ἐπιγενομένησ συλλογισάμενοσ ὁ Μόλων ὡσ ἐπισφαλὴσ γίνεται καὶ δύσχρηστοσ τοῖσ ἀποστάταισ πρὸσ τοὺσ βασιλεῖσ ὁ μεθ’ ἡμέραν καὶ κατὰ πρόσωπον κίνδυνοσ, ἐπεβάλετο νυκτὸσ ἐγχειρεῖν τοῖσ περὶ τὸν Ἀντίοχον.

ἐπιλέξασ δὲ τοὺσ ἐπιτηδειοτάτουσ καὶ τοὺσ ἀκμαιοτάτουσ ἐκ παντὸσ τοῦ στρατοπέδου περιῄει κατά τινασ τόπουσ, θέλων ἐξ ὑπερδεξίου ποιήσασθαι τὴν ἐπίθεσιν.

ταχὺ δ’ ἐκ μεταβολῆσ ποιησάμενοσ τὴν ἀποχώρησιν καὶ παραγενόμενοσ εἰσ τὸν ἑαυτοῦ χάρακα περὶ τὴν ἑωθινήν, πᾶν τὸ στρατόπεδον ἐνέπλησε θορύβου καὶ ταραχῆσ·

δείσαντεσ γὰρ ἐκ τῶν ὕπνων οἱ κατὰ τὸν χάρακα διὰ τὴν τῶν προσιόντων ἔφοδον μικροῦ δεῖν ἐξέπεσον ἐκ τῆσ παρεμβολῆσ.