헬라어 텍스트

Polybius, Histories, book 5, chapter 45

(폴리비오스, Histories, book 5, chapter 45)

κυριεύων δὲ ταύτησ τῆσ χώρασ, βασιλικὴν ἐχούσησ περίστασιν, καὶ πάλαι μὲν φοβερὸσ ἦν, ὡσ πρότερον εἶπα, διὰ τὴν ὑπεροχὴν τῆσ δυναστείασ· τότε δὲ καὶ τῶν τοῦ βασιλέωσ στρατηγῶν δοκούντων παρακεχωρηκέναι τῶν ὑπαίθρων αὐτῷ καὶ τῶν ἰδίων δυνάμεων ἐπηρμένων ταῖσ ὁρμαῖσ διὰ τὸ κατὰ λόγον σφίσι προχωρεῖν τὰσ πρώτασ ἐλπίδασ, τελέωσ ἐδόκει φοβερὸσ εἶναι καὶ ἀνυπόστατοσ πᾶσι τοῖσ τὴν Ἀσίαν κατοικοῦσι.

διὸ τὸ μὲν πρῶτον ἐπεβάλετο διαβὰσ τὸν Τίγριν πολιορκεῖν τὴν Σελεύκειαν·

κωλυθείσησ δὲ τῆσ διαβάσεωσ ὑπὸ Ζεύξιδοσ διὰ τὸ καταλαβέσθαι τὰ ποτάμια πλοῖα, τοῦτον τὸν τρόπον ἀναχωρήσασ εἰσ τὴν ἐν τῇ Κτησιφῶντι λεγομένῃ στρατοπεδείαν παρεσκεύαζε ταῖσ δυνάμεσι τὰ πρὸσ τὴν παραχειμασίαν.

Ὁ δὲ βασιλεὺσ ἀκούσασ τήν τε τοῦ Μόλωνοσ ἔφοδον καὶ τὴν τῶν ἰδίων στρατηγῶν ἀναχώρησιν αὐτὸσ μὲν ἦν ἕτοιμοσ πάλιν ἐπὶ τὸν Μόλωνα στρατεύειν, ἀποστὰσ τῆσ ἐπὶ τὸν Πτολεμαῖον ὁρμῆσ, καὶ μὴ προί̈εσθαι τοὺσ καιρούσ·

Ἑρμείασ δέ, τηρῶν τὴν ἐξ ἀρχῆσ πρόθεσιν ἐπὶ μὲν τὸν Μόλωνα Ξενοίταν τὸν Ἀχαιὸν ἐξέπεμψε στρατηγὸν αὐτοκράτορα μετὰ δυνάμεωσ, φήσασ δεῖν πρὸσ μὲν τοὺσ ἀποστάτασ στρατηγοῖσ πολεμεῖν, πρὸσ δὲ τοὺσ βασιλεῖσ αὐτὸν ποιεῖσθαι τὸν βασιλέα καὶ τὰσ ἐπιβολὰσ καὶ τοὺσ ὑπὲρ τῶν ὅλων ἀγῶνασ, αὐτὸσ δὲ διὰ τὴν ἡλικίαν ὑποχείριον ἔχων τὸν νεανίσκον προῆγε, καὶ συνήθροιζε τὰσ δυνάμεισ εἰσ Ἀπάμειαν·

ἐντεῦθεν δ’ ἀναζεύξασ ἧκε πρὸσ τὴν Λαοδίκειαν.

ὃσ κεῖται μὲν μεταξὺ τῆσ κατὰ τὸν Λίβανον καὶ τὸν Ἀντιλίβανον παρωρείασ, συνάγεται δ’ εἰσ στενὸν ὑπὸ τῶν προειρημένων ὀρῶν.