헬라어 텍스트

Polybius, Histories, book 5, chapter 33

(폴리비오스, Histories, book 5, chapter 33)

Καίτοι γ’ οὐκ ἀγνοῶ διότι καὶ πλείουσ ἕτεροι τῶν συγγραφέων τὴν αὐτὴν ἐμοὶ προεῖνται φωνήν, φάσκοντεσ τὰ καθόλου γράφειν καὶ μεγίστην τῶν προγεγονότων ἐπιβεβλῆσθαι πραγματείαν· μέχρι δὲ τούτου μνησθήσομαι, διότι τῶν καθ’ ἡμᾶσ τινεσ γραφόντων ἱστορίαν ἐν τρισὶν ἢ τέτταρσιν ἐξηγησάμενοι σελίσιν ἡμῖν τὸν Ῥωμαίων καὶ Καρχηδονίων πόλεμον φασὶ τὰ καθόλου γράφειν.

καίτοι διότι πλεῖσται μὲν καὶ μέγισται τότε περί τε τὴν Ἰβηρίαν καὶ Λιβύην, ἔτι δὲ τὴν Σικελίαν καὶ Ἰταλίαν ἐπετελέσθησαν πράξεισ, ἐπιφανέστατοσ δὲ καὶ πολυχρονιώτατοσ ὁ κατ’ Ἀννίβαν πόλεμοσ γέγονε πλὴν τοῦ περὶ Σικελίαν, πάντεσ δ’ ἠναγκάσθημεν πρὸσ αὐτὸν ἀποβλέπειν διὰ τὸ μέγεθοσ, δεδιότεσ τὴν συντέλειαν τῶν ἀποβησομένων, τίσ οὕτωσ ἐστὶν ἀδαὴσ ὃσ οὐκ οἶδεν;

ἀλλ’ ἔνιοι τῶν πραγματευομένων οὐδ’ ἐφ’ ὅσον οἱ τὰ κατὰ καιροὺσ ἐν ταῖσ χρονογραφίαισ ὑπομνηματιζόμενοι πολιτικῶσ εἰσ τοὺσ τοίχουσ, οὐδ’ ἐπὶ τοσοῦτο μνησθέντεσ, πάσασ φασὶ τὰσ κατὰ τὴν Ἑλλάδα καὶ βάρβαρον περιειληφέναι πράξεισ.

τοῦτο δ’ ἐστὶν αἴτιον, ὅτι τὸ μὲν τῷ λόγῳ τῶν μεγίστων ἔργων ἀντιποιήσασθαι τελείωσ ἐστὶ ῥᾴδιον, τὸ δὲ τοῖσ πράγμασιν ἐφικέσθαι τινὸσ τῶν καλῶν οὐκ εὐμαρέσ.

διὸ καὶ τὸ μὲν ἐν μέσῳ κεῖται καὶ πᾶσι κοινὸν ὡσ ἔποσ εἰπεῖν τοῖσ μόνον τολμᾶν δυναμένοισ ὑπάρχει, τὸ δὲ καὶ λίαν ἐστὶ σπάνιον καὶ σπανίοισ συνεξέδραμε κατὰ τὸν βίον.

ταῦτα μὲν οὖν προήχθην εἰπεῖν χάριν τῆσ ἀλαζονείασ τῶν ὑπερηφανούντων ἑαυτοὺσ καὶ τὰσ ἰδίασ πραγματείασ·

ἐπὶ δὲ τὴν ἀρχὴν ἐπάνειμι τῆσ ἐμαυτοῦ προθέσεωσ.