헬라어 텍스트

Polybius, Histories, book 5, chapter 30

(폴리비오스, Histories, book 5, chapter 30)

Τοῦ δὲ χειμῶνοσ ἐπιγενομένου, καὶ Φιλίππου μὲν τοῦ βασιλέωσ εἰσ Μακεδονίαν ἀπηλλαγμένου, τοῦ δ’ Ἐπηράτου τοῦ στρατηγοῦ τῶν Ἀχαιῶν καταπεφρονημένου μὲν ὑπὸ τῶν πολιτικῶν νεανίσκων, κατεγνωσμένου δὲ τελέωσ ὑπὸ τῶν μισθοφόρων, οὔτ’ ἐπειθάρχει τοῖσ παραγγελλομένοισ οὐδεὶσ οὔτ’ ἦν ἕτοιμον οὐδὲν πρὸσ τὴν τῆσ χώρασ βοήθειαν. οὐ μόνον τὴν τῶν Δυμαίων καὶ Φαραιέων συνεχῶσ ἐπόρθει χώραν, ἀλλὰ καὶ τὴν τῶν Πατρέων.

τὸ δὲ τελευταῖον ἐπὶ τὸ Παναχαϊκὸν ὄροσ καλούμενον ἐπιστρατοπεδεύσασ, τὸ κείμενον ὑπὲρ τῆσ τῶν Πατρέων πόλεωσ, ἐδῄου πᾶσαν τὴν ἐπὶ τὸ Ῥίον καὶ τὴν ἐπ’ Αἴγιον κεκλιμένην χώραν.

λοιπὸν αἱ μὲν πόλεισ κακοπαθοῦσαι καὶ μὴ τυγχάνουσαι βοηθείασ δυσχερῶσ πωσ εἶχον πρὸσ τὰσ εἰσφοράσ, οἱ δὲ στρατιῶται, τῶν ὀψωνίων παρελκομένων καὶ καθυστερούντων, τὸ παραπλήσιον ἐποίουν περὶ τὰσ βοηθείασ·

ἐξ ἀμφοῖν δὲ τῆσ τοιαύτησ ἀνταποδόσεωσ γινομένησ, ἐπὶ τὸ χεῖρον προύβαινε τὰ πράγματα καὶ τέλοσ διελύθη τὸ ξενικόν.

πάντα δὲ ταῦτα συνέβαινε γίνεσθαι διὰ τὴν τοῦ προεστῶτοσ ἀδυναμίαν. ἐν τοιαύτῃ δ’ ὄντων διαθέσει τῶν κατὰ τοὺσ Ἀχαιούσ, καὶ τῶν χρόνων ἤδη καθηκόντων, Ἐπήρατοσ μὲν ἀπετίθετο τὴν ἀρχήν, οἱ δ’ Ἀχαιοὶ τῆσ θερείασ ἐναρχομένησ στρατηγὸν αὑτῶν Ἄρατον κατέστησαν τὸν πρεσβύτερον.

Καὶ τὰ μὲν κατὰ τὴν Εὐρώπην ἐν τούτοισ ἦν.