헬라어 텍스트

Polybius, Histories, book 5, chapter 24

(폴리비오스, Histories, book 5, chapter 24)

κατὰ σύμπτωμα τῶν ἡγεμόνων περιβαλομένων τοιοῦτον τόπον οἱο͂ν οὐκ ἂν ἄλλον τισ εὑρ́οι βουλόμενοσ εἰσ τὴν χώραν τῆσ Λακωνικῆσ παρ’ αὐτὴν τὴν πόλιν ποιεῖσθαι τὴν εἰσβολήν. ἔστι γὰρ ἐπὶ τῆσ ἀρχῆσ τῶν προειρημένων στενῶν, ὅταν ἀπὸ τῆσ Τεγέασ ἢ καθόλου τῆσ μεσογαίου παραγινόμενοσ ἐγγίζῃ τισ τῇ Λακεδαίμονι, τόποσ ἀπέχων μὲν τῆσ πόλεωσ δύο μάλιστα σταδίουσ, ἐπ’ αὐτοῦ δὲ κείμενοσ τοῦ ποταμοῦ.

τούτου δὲ συμβαίνει τὴν μὲν ἐπὶ τὴν πόλιν καὶ τὸν ποταμὸν βλέπουσαν πλευρὰν περιέχεσθαι πᾶσαν ἀπορρῶγι μεγάλῃ καὶ παντελῶσ ἀπροσίτῳ·

ὥστε τὸν στρατοπεδεύσαντα ἐν αὐτῷ καὶ κατασχόντα τὸν ὑπερκείμενον λόφον δοκεῖν μὲν ἐν ἀσφαλεῖ στρατοπεδεύειν διὰ τὴν παράθεσιν τῆσ πόλεωσ, στρατοπεδεύειν δ’ ἐν καλλίστῳ, κρατοῦντα τῆσ εἰσόδου καὶ τῆσ διόδου τῶν στενῶν.

πλὴν ὅ γε Φίλιπποσ, καταστρατοπεδεύσασ ἐν τούτῳ μετ’ ἀσφαλείασ, τῇ κατὰ πόδασ ἡμέρᾳ τὴν μὲν ἀποσκευὴν προαπέστειλε, τὴν δὲ δύναμιν ἐξέταξεν ἐν τοῖσ ἐπιπέδοισ εὐσύνοπτον τοῖσ ἐκ τῆσ πόλεωσ.

χρόνον μὲν οὖν τινα βραχὺν ἔμεινε, μετὰ δὲ ταῦτα κλίνασ ἐπὶ κέρασ ἦγε ποιούμενοσ τὴν πορείαν ὡσ ἐπὶ Τεγέαν.

συνάψασ δὲ τοῖσ τόποισ ἐν οἷσ Ἀντίγονοσ καὶ Κλεομένησ συνεστήσαντο τὸν κίνδυνον, αὐτοῦ κατεστρατοπέδευσε.

τῇ δ’ ἑξῆσ θεασάμενοσ τοὺσ τόπουσ καὶ θύσασ τοῖσ θεοῖσ ἐφ’ ἑκατέρου τῶν λόφων, ὧν ὁ μὲν Ὄλυμποσ, ὁ δ’ Εὐάσ καλεῖται, μετὰ ταῦτα προῆγε, στερροποιησάμενοσ τὴν οὐραγίαν.

ἀφικόμενοσ δ’ εἰσ Τεγέαν καὶ λαφυροπωλήσασ πᾶσαν τὴν λείαν, καὶ μετὰ ταῦτα ποιησάμενοσ δι’ Ἄργουσ τὴν πορείαν, ἧκε μετὰ τῆσ δυνάμεωσ εἰσ Κόρινθον.

αὐτὸσ δὲ καταβὰσ εἰσ τὸ Λέχαιον ἐγίνετο περὶ πλοῦν, ἔχων τινὰσ πράξεισ ὁλοσχερεστέρασ ἐν τοῖσ περὶ Φωκίδα τόποισ.