헬라어 문장 검색 - ΠολψβίΗιστορί05́011́

(폴리비오스, Histories, book 5, chapter 11)

δόξησ, προβαίνων κατὰ τὴν ἡλικίαν. ὧν ἦν ἓν καὶ τὸ τότε πραχθέν. τοῖσ γὰρ Αἰτωλῶν ἀσεβήμασι συνεξαμαρτάνων διὰ τὸν θυμὸν καὶ κακῷ κακὸν ἰώμενοσ οὐδὲν ᾤετο ποιεῖν ἄτοπον. καὶ Σκόπᾳ μὲν καὶ Δωριμάχῳ παρ’ ἕκαστον εἰσ ἀσέλγειαν καὶ παρανομίαν ὠνείδιζε, τὴν ἐν Δωδώνῃ καὶ Δίῳ προφερόμενοσ ἀσέβειαν εἰσ τὸ θεῖον·

αὐτὸσ δὲ παραπλήσια ποιῶν οὐκ ᾤετο τῆσ ὁμοίασ ἐκείνοισ τεύξεσθαι δόξησ παρὰ τοῖσ ἀκούσασι. τὸ μὲν γὰρ παραιρεῖσθαι τῶν πολεμίων καὶ καταφθείρειν φρούρια, λιμένασ, πόλεισ, ἄνδρασ, ναῦσ, καρπούσ, τἄλλα τὰ τούτοισ παραπλήσια, δι’ ὧν τοὺσ μὲν ὑπεναντίουσ ἀσθενεστέρουσ ἄν τισ ποιήσαι, τὰ δὲ σφέτερα πράγματα καὶ τὰσ ἐπιβολὰσ δυναμικωτέρασ, ταῦτα μὲν ἀναγκάζουσιν οἱ τοῦ πολέμου νόμοι καὶ τὰ τούτου δίκαια δρᾶν·

τὸ δὲ μήτε τοῖσ ἰδίοισ πράγμασιν ἐπικουρίαν μέλλοντα μηδ’ ἡντινοῦν παρασκευάζειν μήτε τοῖσ ἐχθροῖσ ἐλάττωσιν πρόσ γε τὸν ἐνεστῶτα πόλεμον ἐκ περιττοῦ καὶ ναούσ, ἅμα δὲ τούτοισ ἀνδριάντασ καὶ πᾶσαν δὴ τὴν τοιαύτην κατασκευὴν λυμαίνεσθαι, πῶσ οὐκ ἂν εἴποι τισ εἶναι τρόπου καὶ θυμοῦ λυττῶντοσ ἔργον;

οὐ γὰρ ἐπ’ ἀπωλείᾳ δεῖ καὶ ἀφανισμῷ τοῖσ ἀγνοήσασι πολεμεῖν τοὺσ ἀγαθοὺσ ἄνδρασ, ἀλλ’ ἐπὶ διορθώσει καὶ μεταθέσει τῶν ἡμαρτημένων, οὐδὲ συναναιρεῖν τὰ μηδὲν ἀδικοῦντα τοῖσ ἠδικηκόσιν, ἀλλὰ συσσῴζειν μᾶλλον καὶ συνεξαιρεῖσθαι τοῖσ ἀναιτίοισ τοὺσ δοκοῦντασ ἀδικεῖν.

τυράννου μὲν γὰρ ἔργον ἐστὶ τὸ κακῶσ ποιοῦντα τῷ φόβῳ δεσπόζειν ἀκουσίων, μισούμενον καὶ μισοῦντα τοὺσ ὑποταττομένουσ·

βασιλέωσ δὲ τὸ πάντασ εὖ ποιοῦντα, διὰ τὴν εὐεργεσίαν καὶ φιλανθρωπίαν ἀγαπώμενον, ἑκόντων ἡγεῖσθαι καὶ προστατεῖν. Μάλιστα δ’ ἄν τισ καταμάθοι τὴν ἁμαρτίαν τὴν τότε Φιλίππου, λαβὼν πρὸ ὀφθαλμῶν τίνα διάληψιν εἰκὸσ ἦν Αἰτωλοὺσ ἔχειν, εἰ τἀναντία τοῖσ εἰρημένοισ ἔπραξε καὶ μήτε τὰσ στοὰσ μήτε τοὺσ ἀνδριάντασ διέφθειρε μήτ’ ἄλλο μηδὲν ᾐκίσατο τῶν ἀναθημάτων.

ἐγὼ μὲν γὰρ οἶμαι τὴν βελτίστην ἂν καὶ φιλανθρωποτάτην, συνειδότασ μὲν αὑτοῖσ τὰ περὶ Δῖον καὶ Δωδώνην πεπραγμένα, σαφῶσ δὲ γινώσκοντασ ὅθ’ ὁ Φίλιπποσ τότε καὶ πρᾶξαι κύριοσ ἦν ὃ βουληθείη, καὶ πράξασ τὰ δεινότατα δικαίωσ ἂν ἐδόκει τοῦτο πεποιηκέναι τό γε κατ’ ἐκείνουσ μέροσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 11

(폴리비오스, Histories, book 5, chapter 11)

상위

목록

SEARCH

MENU NAVIGATION