헬라어 텍스트

Polybius, Histories, book 5, chapter 8

(폴리비오스, Histories, book 5, chapter 8)

ὥστε καὶ λίαν ἐπισφαλῆ καὶ στενὴν τὴν πάροδον εἶναι κατ’ ἐνίουσ τόπουσ, τῆσ πάσησ ἀναβάσεωσ οὔσησ σχεδὸν ἐπὶ τριάκοντα στάδια. ἧκε πολλῆσ ὡρ́ασ ἐπὶ τὸν Θέρμον, καὶ καταστρατοπεδεύσασ ἐφῆκε τὴν δύναμιν τάσ τε περιοικίδασ κώμασ πορθεῖν καὶ τὸ τῶν Θερμίων πεδίον ἐπιτρέχειν, ὁμοίωσ δὲ καὶ τὰσ οἰκίασ τὰσ ἐν αὐτῷ τῷ Θέρμῳ διαρπάζειν, οὔσασ πλήρεισ οὐ μόνον σίτου καὶ τῆσ τοιαύτησ χορηγίασ, ἀλλὰ καὶ κατασκευῆσ διαφερούσησ τῶν παρ’ Αἰτωλῶν.

καθ’ ἕκαστον γὰρ ἔτοσ ἀγοράσ τε καὶ πανηγύρεισ ἐπιφανεστάτασ, ἔτι δὲ καὶ τὰσ τῶν ἀρχαιρεσίων καταστάσεισ ἐν τούτῳ τῷ τόπῳ συντελούντων, ἕκαστοι πρὸσ τὰσ ὑποδοχὰσ καὶ τὰσ εἰσ ταῦτα παρασκευὰσ τὰ πολυτελέστατα τῶν ἐν τοῖσ βίοισ ὑπαρχόντων εἰσ τοῦτον ἀπετίθεντο τὸν τόπον.

χωρὶσ δὲ τῆσ χρείασ καὶ τὴν ἀσφάλειαν ἤλπιζον ἐνταυθοῖ βεβαιοτάτην αὑτοῖσ ὑπάρχειν, διὰ τὸ μήτε πολέμιον τετολμηκέναι μηδένα πώποτε εἰσ τοὺσ τόπουσ τούτουσ ἐμβαλεῖν, εἶναί τε τῇ φύσει τοιούτουσ ὥστε τῆσ συμπάσησ Αἰτωλίασ οἱο͂ν ἀκροπόλεωσ ἔχειν τάξιν.

διότιπερ εἰρηνευομένησ ἐκ παλαιοῦ τῆσ χώρασ πλήρεισ ἦσαν ἀγαθῶν πολλῶν αἵ τε περὶ τὸ ἱερὸν οἰκίαι καὶ πάντεσ οἱ πέριξ τόποι.

ἐκείνην μὲν οὖν τὴν νύκτα παντοδαπῆσ γέμοντεσ ὠφελείασ αὐτοῦ κατηυλίσθησαν·

τῇ δ’ ἐπαύριον τῆσ μὲν κατασκευῆσ τὰ πολυτελέστατα καὶ τὰ δυνατὰ κομίζεσθαι διέλεγον, τὰ δὲ λοιπὰ σωρεύοντεσ πρὸ τῶν σκηνῶν ἐνεπίμπρασαν. ὁμοίωσ δὲ καὶ τῶν ὅπλων τῶν ἐν ταῖσ στοαῖσ ἀνακειμένων τὰ μὲν πολυτελῆ καθαιροῦντεσ ἀπεκόμιζον, τινὰ δ’ ὑπήλλαττον, τὰ δὲ λοιπὰ συναθροίσαντεσ πῦρ ἐνέβαλον.

ἦν δὲ ταῦτα πλείω τῶν μυρίων καὶ πεντακισχιλίων.