헬라어 텍스트

Polybius, Histories, book 5, chapter 7

(폴리비오스, Histories, book 5, chapter 7)

καθ’ ἕτερον δ’ ᾗ πρόσ γε τὸν ἐν τοῖσ Θέρμοισ τόπον οὐδέποτ’ ἂν ὑπολαβόντεσ Αἰτωλοὶ τολμῆσαι τὸν Φίλιππον οὕτω προχείρωσ αὑτὸν δοῦναι διὰ τὰσ ὀχυρότητασ τῶν τόπων ἔμελλον ἀπρονόητοι καὶ παντελῶσ ἀπαράσκευοι ληφθήσεσθαι πρὸσ τὸ συμβαῖνον· εἰσ ἃ βλέποντεσ, καὶ τηροῦντεσ τὴν ἑαυτῶν πρόθεσιν, ᾤοντο δεῖν τὸν Φίλιππον περὶ τὸν Ἀχελῷον στρατοπεδεύσαντα προσαναπαῦσαι τὴν δύναμιν ἐκ τῆσ νυκτοπορίασ, σπουδάζοντεσ βραχεῖάν γε τοῖσ Αἰτωλοῖσ ἀναστροφὴν δοῦναι πρὸσ τὴν βοήθειαν.

οἱ δὲ περὶ τὸν Ἄρατον, θεωροῦντεσ τὸν μὲν καιρὸν ὀξὺν ὄντα τῆσ ἐπιβολῆσ, τοὺσ δὲ περὶ τὸν Λεόντιον προδήλωσ ἐμποδίζοντασ, διεμαρτύροντο τὸν Φίλιππον μὴ παριέναι τὸν καιρὸν μηδὲ καταμέλλειν.

οἷσ καὶ πεισθεὶσ ὁ βασιλεύσ, καὶ προσκόπτων ἤδη τοῖσ περὶ τὸν Λεόντιον, ἐποιεῖτο τὴν πορείαν κατὰ τὸ συνεχέσ.

διαβὰσ δὲ τὸν Ἀχελῷον ποταμὸν προῆγε συντόνωσ ὡσ ἐπὶ τὸν Θέρμον·

ἅμα δὲ προάγων ἐδῄου καὶ κατέφθειρε τὴν χώραν. παρῄει δ’ ἐκ μὲν εὐωνύμων ἀπολιπὼν Στράτον, Ἀγρίνιον, Θεστιεῖσ, ἐκ δὲ δεξιῶν Κωνώπην, Λυσιμάχειαν, Τριχώνιον, Φύταιον.

ταύτην μὲν ἐκλιπόντων τῶν Αἰτωλῶν εἰσαγαγὼν πεντακοσίουσ στρατιώτασ κατεῖχε, βουλόμενοσ ἐφεδρείᾳ χρήσασθαι πρόσ τε τὴν εἴσοδον καὶ τὴν ἔξοδον τὴν ἐκ τῶν στενῶν ‐ ἔστι γὰρ πᾶσ ὁ παρὰ τὴν λίμνην τόποσ ὀρεινὸσ καὶ τραχύσ, συνηγμένοσ ταῖσ ὕλαισ·

μετὰ δὲ ταῦτα τοὺσ μὲν μισθοφόρουσ προθέμενοσ πάσησ τῆσ πορείασ, ἐπὶ δὲ τούτοισ τοὺσ Ἰλλυριούσ, ἑξῆσ δὲ τοὺσ πελταστὰσ καὶ φαλαγγίτασ ἔχων προῆγε διὰ τῶν στενῶν, ἀπουραγούντων μὲν αὐτῷ τῶν Κρητῶν, δεξιῶν δὲ παρὰ πλάγια τῶν Θρᾳκῶν καὶ ψιλῶν ἀντιπαραπορευομένων ταῖσ χώραισ.

τὴν μὲν γὰρ ἐκ τῶν εὐωνύμων ἐπιφάνειαν τῆσ πορείασ ἠσφάλισθ’ ἡ λίμνη σχεδὸν ἐπὶ τριάκοντα στάδια.