헬라어 텍스트

Polybius, Histories, book 2, chapter 55

(폴리비오스, Histories, book 2, chapter 55)

λαβὼν συνεργούσ τινασ τῶν ἐκ Μεσσήνησ φυγάδων, οἳ διατρίβοντεσ ἐτύγχανον ἐν τῇ Μεγάλῃ πόλει, παρεισῆλθε διὰ τούτων λάθρᾳ νυκτὸσ ἐντὸσ τῶν τειχῶν. τῆσ δ’ ἡμέρασ ἐπιγενομένησ παρ’ ὀλίγον ἦλθε τοῦ μὴ μόνον ἐκπεσεῖν, ἀλλὰ καὶ τοῖσ ὅλοισ κινδυνεῦσαι διὰ τὴν εὐψυχίαν τῶν Μεγαλοπολιτῶν.

ὃ δὴ καὶ τρισὶ μησὶ πρότερον αὐτῷ συνέβη παθεῖν παρεισπεσόντι κατὰ τὸν Κωλαιὸν προσαγορευόμενον τόπον τῆσ πόλεωσ.

τότε δὲ τῷ πλήθει τῆσ δυνάμεωσ καὶ τῷ προκαταλαμβάνεσθαι τοὺσ εὐκαίρουσ τόπουσ καθίκετο τῆσ ἐπιβολῆσ καὶ πέρασ ἐκβαλὼν τοὺσ Μεγαλοπολίτασ κατέσχε τὴν πόλιν.

γενόμενοσ δ’ ἐγκρατὴσ οὕτωσ αὐτὴν πικρῶσ διέφθειρεν καὶ δυσμενῶσ ὥστε μηδ’ ἐλπίσαι μηδένα διότι δύναιτ’ ἂν συνοικισθῆναι πάλιν.

τοῦτο δὲ ποιῆσαί μοι δοκεῖ διὰ τὸ κατὰ τὰσ τῶν καιρῶν περιστάσεισ παρὰ μόνοισ Μεγαλοπολίταισ καὶ Στυμφαλίοισ μηδέποτε δυνηθῆναι μήθ’ αἱρετιστὴν καὶ κοινωνὸν τῶν ἰδίων ἐλπίδων μήτε προδότην κατασκευάσασθαι.

τὸ μὲν γὰρ Κλειτορίων φιλελεύθερον καὶ γενναῖον εἷσ ἀνὴρ κατῄσχυνε διὰ τὴν ἑαυτοῦ κακίαν, Θεάρκησ·

ὃν εἰκότωσ ἐξαρνοῦνται Κλειτόριοι μὴ φῦναι παρὰ σφίσι, γενέσθαι δ’ ὑποβολιμαῖον ἐξ Ὀρχομενοῦ τῶν ἐπηλύδων τινὸσ στρατιωτῶν.