헬라어 문장 검색 - ΠολψβίΗιστορί02́024́

(폴리비오스, Histories, book 2, chapter 24)

ῥητέον ἂν εἰή τὴν παρασκευὴν καὶ τὸ πλῆθοσ τῆσ ὑπαρχούσησ αὐτοῖσ τότε δυνάμεωσ. μετὰ μὲν δὴ τῶν ὑπάτων ἐξεληλύθει τέτταρα στρατόπεδα Ῥωμαϊκά, πεντάκισ μὲν χιλίουσ καὶ διακοσίουσ πεζούσ, ἱππεῖσ δὲ τριακοσίουσ ἔχον ἕκαστον.

σύμμαχοι δὲ μεθ’ ἑκατέρων ἦσαν οἱ συνάμφω πεζοὶ μὲν τρισμύριοι, δισχίλιοι δ’ ἱππεῖσ.

τῶν δ’ ἐκ τοῦ καιροῦ προσβοηθησάντων εἰσ τὴν Ῥώμην Σαβίνων καὶ Τυρρηνῶν ἱππεῖσ μὲν ἦσαν εἰσ τετρακισχιλίουσ, πεζοὶ δὲ πλείουσ τῶν πεντακισμυρίων.

τούτουσ μὲν ἁθροίσαντεσ ὡσ ἐπὶ Τυρρηνίασ προεκάθισαν, ἑξαπέλεκυν αὐτοῖσ ἡγεμόνα συστήσαντεσ.

οἱ δὲ τὸν Ἀπεννῖνον κατοικοῦντεσ Ὄμβροι καὶ Σαρσινάτοι συνήχθησαν εἰσ δισμυρίουσ, μετὰ δὲ τούτων Οὐένετοι καὶ Γονομάνοι δισμύριοι.

τούτουσ δ’ ἔταξαν ἐπὶ τῶν ὁρ́ων τῆσ Γαλατίασ, ἵν’ ἐμβαλόντεσ εἰσ τὴν τῶν Βοίων χώραν ἀντιπερισπῶσι τοὺσ ἐξεληλυθότασ. τὰ μὲν οὖν προκαθήμενα στρατόπεδα τῆσ χώρασ ταῦτ’ ἦν.

ἐν δὲ τῇ Ῥώμῃ διέτριβον ἡτοιμασμένοι χάριν τῶν συμβαινόντων ἐν τοῖσ πολέμοισ, ἐφεδρείασ ἔχοντεσ τάξιν, Ῥωμαίων μὲν αὐτῶν πεζοὶ δισμύριοι, μετὰ δὲ τούτων ἱππεῖσ χίλιοι καὶ πεντακόσιοι, τῶν δὲ συμμάχων πεζοὶ μὲν τρισμύριοι, δισχίλιοι δ’ ἱππεῖσ.

Λευκανῶν δὲ πεζοὶ μὲν τρισμύριοι, τρισχίλιοι δ’ ἱππεῖσ, Μαρσῶν δὲ καὶ Μαρρουκίνων καὶ Φερεντάνων, ἔτι δ’ Οὐεστίνων πεζοὶ μὲν δισμύριοι, τετρακισχίλιοι δ’ ἱππεῖσ.

ἔτι γε μὴν καὶ ἐν Σικελίᾳ καὶ Τάραντι στρατόπεδα δύο παρεφήδρευεν, ὧν ἑκάτερον ἦν ἀνὰ τετρακισχιλίουσ καὶ διακοσίουσ πεζούσ, ἱππεῖσ δὲ διακοσίουσ.

Ῥωμαίων δὲ καὶ Καμπανῶν ἡ πληθὺσ πεζῶν μὲν εἰσ εἴκοσι καὶ πέντε κατελέχθησαν μυριάδεσ, ἱππέων δ’ ἐπὶ ταῖσ δύο μυριάσιν ἐπῆσαν ἔτι τρεῖσ χιλιάδεσ.

ἱππεῖσ δὲ πρὸσ ἑξακισχιλίουσ, τὸ δὲ] σύμπαν πλῆθοσ τῶν δυναμένων ὅπλα βαστάζειν, αὐτῶν τε Ῥωμαίων καὶ τῶν συμμάχων, πεζῶν ὑπὲρ τὰσ ἑβδομήκοντα μυριάδασ, ἱππέων δ’ εἰσ ἑπτὰ μυριάδασ.

ἐφ’ οὓσ Ἀννίβασ ἐλάττουσ ἔχων δισμυρίων ἐπέβαλεν εἰσ τὴν Ἰταλίαν.

περὶ μὲν οὖν τούτων ἐν τοῖσ ἑξῆσ σαφέστερον ἐκποιήσει κατανοεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 24

(폴리비오스, Histories, book 2, chapter 24)

상위

목록

SEARCH

MENU NAVIGATION