Plutarch, Cleomenes, chapter 39

(플루타르코스, Cleomenes, chapter 39)

ἡ μὲν οὖν Λακεδαίμων, ἐφαμίλλωσ ἀγωνισαμένη τῷ γυναικείῳ δράματι πρὸσ τὸ ἀνδρεῖον, ἐν τοῖσ ἐσχάτοισ καιροῖσ ἐπέδειξε τὴν ἀρετὴν ὑβρισθῆναι μὴ δυναμένην ὑπὸ τῆσ τύχησ, ὀλίγαισ δὲ ὕστερον ἡμέραισ οἱ τὸ σῶμα τοῦ Κλεομένουσ ἀνεσταυρωμένον παραφυλάττοντεσ εἶδον εὐμεγέθη δράκοντα τῇ κεφαλῇ περιπεπλεγμένον καὶ ἀποκρύπτοντα τὸ πρόσωπον, ὥστε μηδὲν ὄρνεον ἐφίπτασθαι σαρκοφάγον. ἐκ δὲ τούτου δεισιδαιμονία προσέπεσε τῷ βασιλεῖ καὶ φόβοσ, ἄλλων καθαρμῶν ταῖσ γυναιξὶν ἀρχὴν παρασχών, ὡσ ἀνδρὸσ ἀνῃρημένου θεοφιλοῦσ καὶ κρείττονοσ τὴν φύσιν.

οἱ δὲ Ἀλεξανδρεῖσ καὶ προσετρέποντο φοιτῶντεσ ἐπὶ τὸν τόπον, ἡρ́ωα τὸν Κλεομένη καὶ θεῶν παῖδα προσαγορεύοντεσ, ἄχρι οὗ κατέπαυσαν αὐτοὺσ οἱ σοφώτεροι, διδόντεσ λόγον ὡσ μελίττασ μὲν βόεσ, σφῆκασ δὲ ἵπποι κατασαπέντεσ ἐξανθοῦσι, κάνθαροι δὲ ὄνων τὸ αὐτὸ παθόντων ζῳογονοῦνται, τὰ δὲ ἀνθρώπινα σώματα, τῶν περὶ τὸν μυελὸν ἰχώρων συρροήν τινα καὶ σύστασιν ἐν ἑαυτοῖσ λαβόντων, ὄφεισ ἀναδίδωσι. καὶ τοῦτο κατιδόντεσ οἱ παλαιοὶ μάλιστα τῶν ζῴων τὸν δράκοντα τοῖσ ἡρ́ωσι συνῳκείωσαν.

일치하는 문장이 없습니다.

SEARCH

MENU NAVIGATION