헬라어 문장 검색 - Πλυταρ́Ξλεομεν́27́

(플루타르코스, Cleomenes, chapter 27)

ἀλλ’ ὁ πρῶτοσ τὰ χρήματα νεῦρα τῶν πραγμάτων προσειπὼν εἰσ τὰ τοῦ πολέμου πράγματα μάλιστα βλέψασ τοῦτ’ εἰπεῖν ἐοίκε. "τὸ προδεῦσαι τοῦ φυρᾶσαι. λέγεται δὲ καὶ Ἀρχίδαμοσ ὁ παλαιὸσ ὑπὸ τὴν ἀρχὴν τοῦ Πελοποννησιακοῦ πολέμου, κελευόντων εἰσφορὰσ τάξαι τῶν συμμάχων αὐτόν, εἰπεῖν ὡσ ὁ πόλεμοσ οὐ τεταγμένα σιτεῖται. καθάπερ γὰρ οἱ σεσωμασκηκότεσ ἀθληταὶ τῷ χρόνῳ καταβαροῦσι καὶ καταγωνίζονται τοὺσ εὐρύθμουσ καὶ τεχνίτασ, οὕτωσ καὶ ὁ Ἀντίγονοσ ἐκ πολλῆσ ἀναφέρων δυνάμεωσ πρὸσ τὸν πόλεμον ἐξεπόνει καὶ κατήθλει τὸν Κλεομένη γλίσχρωσ καὶ μόλισ πορίζοντα τοῖσ ξένοισ μισθὸν καὶ τροφὴν τοῖσ πολίταισ.

ἐπεὶ τἆλλά γε πρὸσ τοῦ Κλεομένουσ ὁ χρόνοσ ἦν, τῶν οἴκοι πραγμάτων ἀνιστάντων τὸν Ἀντίγονον.

βάρβαροι γὰρ περιέκοπτον ἀπόντοσ καὶ κατέτρεχον τὴν Μακεδονίαν, καὶ τότε δὴ πολὺσ ἄνωθεν Ἰλλυριῶν ἐμβεβλήκει στρατόσ, ὑφ’ οὗ πορθούμενοι μετεπέμποντο τὸν Ἀντίγονον οἱ Μακεδόνεσ, καὶ παρ’ ὀλίγον πρὸ τῆσ μάχησ συνέτυχε ταῦτα τὰ γράμματα κομισθῆναι πρὸσ αὐτόν· ὧν κομισθέντων εὐθὺσ ἂν ἀπῆλθε μακρὰ χαίρειν φράσασ Ἀχαιοῖσ. ἀλλ’ ἡ τὰ μέγιστα τῶν πραγμάτων κρίνουσα τῷ παρὰ μικρὸν τύχη τηλικαύτην ἀπεδείξατο ῥοπὴν καιροῦ καὶ δύναμιν, ὥστε, τῆσ μάχησ ἐν Σελασίᾳ γενομένησ καὶ τοῦ Κλεομένουσ ἀποβεβληκότοσ τὴν δύναμιν καὶ τὴν πόλιν, εὐθὺσ παρεῖναι τοὺσ καλοῦντασ τὸν Ἀντίγονον.

ὃ καὶ μάλιστα τὴν δυστυχίαν τοῦ Κλεομένουσ οἰκτροτέραν ἐποίησεν. εἰ γὰρ ἡμέρασ δύο μόνασ ἐπέσχε καὶ παρήγαγε φυγομαχῶν, οὐκ ἂν ἐδέησεν αὐτῷ μάχησ, ἀλλ’ ἐφ’ οἷσ ἐβούλετο διηλλάγη πρὸσ τοὺσ Ἀχαιοὺσ ἀπελθόντων τῶν Μακεδόνων νῦν δέ, ὥσπερ εἴρηται, διὰ τὴν ἀχρηματίαν ἐν τοῖσ ὅπλοισ τὸ πᾶν θέμενοσ ἠναγκάσθη δισμυρίοισ, ὡσ Πολύβιόσ φησι, πρὸσ τρισμυρίουσ ἀντιπαρατάξασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 27

(플루타르코스, Cleomenes, chapter 27)

상위

목록

SEARCH

MENU NAVIGATION