헬라어 문장 검색 - Πλυταρ́Ξλεομεν́12́

(플루타르코스, Cleomenes, chapter 12)

αἰσθόμενοσ δὲ τοὺσ Ἀχαιοὺσ καὶ τὸν Ἄρατον, ὡσ ἐπισφαλῶσ αὐτῷ τῶν πραγμάτων ἐχόντων διὰ τὸν νεωτερισμόν, οὐκ ἂν οἰομένουσ προελθεῖν ἔξω τῆσ Λακεδαίμονοσ οὐδὲ ἀπολιπεῖν μετέωρον ἐν κινήματι τηλικούτῳ τὴν πόλιν, οὐκ ἀγεννὲσ οὐδὲ ἄχρηστον ἡγήσατο τὴν προθυμίαν τοῦ στρατεύματοσ ἐπιδεῖξαι τοῖσ πολεμίοισ. ἐμβαλὼν οὖν εἰσ τὴν Μεγαλοπολιτικήν ὠφελείασ τε μεγάλασ ἤθροισε καὶ φθορὰν πολλὴν ἀπειργάσατο τῆσ χώρασ, τέλοσ δὲ τοὺσ περὶ τὸν Διόνυσον τεχνίτασ ἐκ Μεσσήνησ διαπορευομένουσ λαβών, καὶ πηξάμενοσ θέατρον ἐν τῇ πολεμίᾳ, καὶ προθεὶσ ἀπὸ τετταράκοντα μνῶν ἀγῶνα, μίαν ἡμέραν ἐθεᾶτο καθήμενοσ, οὐ δεόμενοσ θέασ, ἀλλ’ οἱο͂ν ἐντρυφῶν τοῖσ πολεμίοισ καὶ περιουσίαν τινὰ τοῦ κρατεῖν πολὺ τῷ καταφρονεῖν ἐπιδεικνύμενοσ.

ἐπεὶ ἄλλωσ γε τῶν Ἑλληνικῶν καὶ βασιλικῶν στρατευμάτων ἐκεῖνο μόνον οὐ μίμουσ παρακολουθοῦντασ εἶχεν, οὐ θαυματοποιούσ, οὐκ ὀρχηστρίδασ, οὐ ψαλτρίασ, ἀλλὰ πάσησ ἀκολασίασ καὶ βωμολοχίασ καὶ πανηγυρισμοῦ καθαρὸν ἦν, τὰ μὲν πολλὰ μελετώντων τῶν νέων καὶ τῶν πρεσβυτέρων διδασκόντων, τὰσ δὲ παιδιὰσ, ὁπότε σχολάζοιεν, ταῖσ συνήθεσιν εὐτραπελίαισ καὶ τῷ λέγειν τι χαρίεν καὶ Λακωνικὸν πρὸσ ἀλλήλουσ διατιθεμένων, ἣν δὲ ἔχει τὸ τοιοῦτον τῆσ παιδιᾶσ εἶδοσ ὠφέλειαν, ἐν τῷ Λυκούργου βίῳ γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cleomenes, chapter 12

(플루타르코스, Cleomenes, chapter 12)

상위

목록

SEARCH

MENU NAVIGATION