헬라어 문장 검색 - Πλυταρ́Ξλεομεν́33́

(플루타르코스, Cleomenes, chapter 33)

ὁ μὲν γὰρ βασιλεὺσ αὐτὸσ οὕτω διέφθαρτο τὴν ψυχὴν ὑπὸ γυναικῶν καὶ πότων ὥστε, ὁπότε νήφοι μάλιστα καὶ σπουδαιότατοσ αὑτοῦ γένοιτο, τελετὰσ τελεῖν καὶ τύμπανον ἔχων ἐν τοῖσ βασιλείοισ ἀγείρειν, τὰ δὲ μέγιστα τῆσ ἀρχῆσ πράγματα διοικεῖν Ἀγαθόκλειαν τὴν ἐρωμένην τοῦ βασιλέωσ καὶ τὴν ταύτησ μητέρα καὶ πορνοβοσκὸν Οἰνάνθην. ὅμωσ δ’ οὖν ἔδοξέ τισ ἐν ἀρχῇ καὶ τοῦ Κλεομένουσ χρεία γεγονέναι.

δεδιὼσ γὰρ Μάγαν τὸν ἀδελφὸν Πτολεμαῖοσ, ὡσ ἰσχύοντα διὰ τῆσ μητρὸσ ἐν τῷ στρατιωτικῷ, τὸν Κλεομένη προσελάμβανε καὶ μετεδίδου τῶν ἀπορρήτων συνεδρίων, βουλευόμενοσ ἀνελεῖν τὸν ἀδελφόν. ὁ δέ, καίπερ ἁπάντων τοῦτο πράττειν κελευόντων, μόνοσ ἀπηγόρευσεν, εἰπὼν ὡσ μᾶλλον, εἰ δυνατὸν ἦν, ἔδει φῦσαι τῷ βασιλεῖ πλείονασ ἀδελφοὺσ πρὸσ ἀσφάλειαν καὶ διαμονὴν τῶν πραγμάτων. Σωσιβίου δὲ τοῦ πλεῖστον ἐν τοῖσ φίλοισ δυναμένου φήσαντοσ οὐκ εἶναι τὰ τῶν μισθοφόρων αὐτοῖσ βέβαια τοῦ Μάγα ζῶντοσ, ἀμελεῖν ἐκέλευσεν ὁ Κλεομένησ ἕνεκά γε τούτου·

πλείουσ γὰρ ἢ τρισχιλίουσ τῶν ξένων εἶναι Πελοποννησίουσ προσέχοντασ αὐτῷ, κἂν μόνον νεύσῃ, προθύμωσ μετὰ τῶν ὅπλων παρεσομένουσ· οὗτοσ ὁ λόγοσ τότε μὲν οὐ μικρὰν τῷ Κλεομένει καὶ πίστιν εὐνοίασ καὶ δόκησιν ἰσχύοσ προσέθηκεν, ὕστερον δέ, τοῦ Πτολεμαίου τῆσ ἀσθενείασ ἐπιτεινούσησ τὴν δειλίαν, καὶ καθάπερ εἰώθεν ἐν τῷ μηδὲν φρονεῖν, τοῦ πάντα δεδοικέναι καὶ πᾶσιν ἀπιστεῖν ἀσφαλεστάτου δοκοῦντοσ εἶναι, φοβερὸν ἐποίει τὸν Κλεομένη τοῖσ αὐλικοῖσ, ὡσ ἰσχύοντα παρὰ τοῖσ ξένοισ·

"οὗτοσ ὁ λέων ἐν τούτοισ τοῖσ προβάτοισ ἀναστρέφεται.

τῷ γὰρ ὄντι τοιοῦτον διέφαινεν ἦθοσ ἐν τοῖσ βασιλικοῖσ, ὑποβλέπων ἀτρέμα καὶ παρεπισκοπῶν τὰ πραττόμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 33

(플루타르코스, Cleomenes, chapter 33)

상위

목록

SEARCH

MENU NAVIGATION