헬라어 문장 검색 - Πλυταρ́Ξλεομεν́26́

(플루타르코스, Cleomenes, chapter 26)

ὀλίγῳ δὲ ὕστερον αὖθισ, εἰσ Τεγέαν ἀκούσασ προϊέναι τὸν Ἀντίγονον ὡσ ἐκεῖθεν εἰσ τὴν Λακωνικὴν ἐμβαλοῦντα, ταχὺ τοὺσ στρατιώτασ ἀναλαβὼν καὶ καθ’ ἑτέρασ ὁδοὺσ παραλλάξασ ἅμ’ ἡμέρᾳ πρὸσ τῇ πόλει τῶν Ἀργείων ἀνεφάνη, πορθῶν τὸ πεδίον καὶ τὸν σῖτον οὐ κείρων, ὥσπερ οἱ λοιποί, δρεπάναισ καὶ μαχαίραισ, ἀλλὰ κόπτων ξύλοισ μεγάλοισ εἰσ σχῆμα ῥομφαίασ ἀπειργασμένοισ, ὡσ ἐπὶ παιδιᾷ χρωμένουσ ἐν τῷ πορεύεσθαι σὺν μηδενὶ πόνῳ πάντα συγκατατρῖψαι καὶ διαφθεῖραι τὸν καρπόν. ὡσ μέντοι κατὰ τὴν Κυλλάραβιν γενόμενοι τὸ γυμνάσιον ἐπεχείρουν προσφέρειν πῦρ, ἐκώλυσεν, ὡσ καὶ τῶν περὶ Μεγάλην πόλιν ὑπ’ ὀργῆσ μᾶλλον ἢ καλῶσ αὐτῷ πεπραγμένων.

τοῦ δὲ Ἀντιγόνου πρῶτον μὲν εὐθὺσ εἰσ Ἄργοσ ἀναχωρήσαντοσ, ἔπειτα τὰ ὄρη καὶ τὰσ ὑπερβολὰσ πάσασ φυλακαῖσ καταλαβόντοσ, ἀμελεῖν καὶ καταφρονεῖν προσποιούμενοσ ἔπεμψε κήρυκασ τὰσ κλεῖσ ἀξιῶν τοῦ Ἡραίου λαβεῖν, ὅπωσ ἀπαλλάττοιτο τῇ θεῷ θύσασ. τὸ γὰρ ἐκ μιᾶσ πόλεωσ ὁρμώμενον ὁμοῦ τῇ Μακεδόνων δυνάμει καὶ Πελοποννησίοισ ἅπασι καὶ χορηγίᾳ βασιλικῇ πολεμεῖν, καὶ μὴ μόνον ἄθικτον διαφυλάττοντα τὴν Λακωνικήν, ἀλλὰ καὶ χώραν κακῶσ ποιοῦντα τὴν ἐκείνων καὶ πόλεισ αἱροῦντα τηλικαύτασ, οὐ τῆσ τυχούσησ ἐδόκει δεινότητοσ εἶναι καὶ μεγαλοφροσύνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 26

(플루타르코스, Cleomenes, chapter 26)

상위

목록

SEARCH

MENU NAVIGATION