Plutarch, Cleomenes, chapter 23

(플루타르코스, Cleomenes, chapter 23)

τοῦ δὲ Ἀντιγόνου Τεγέαν μὲν παραλαβόντοσ, Ὀρχομενὸν δὲ καὶ Μαντίνειαν διαρπάσαντοσ, εἰσ αὐτὴν τὴν Λακωνικὴν συνεσταλμένοσ ὁ Κλεομένησ τῶν μὲν εἱλώτων τοὺσ πέντε μνᾶσ Ἀττικὰσ καταβαλόντασ ἐλευθέρουσ ἐποίει καὶ τάλαντα πεντακόσια συνέλεξε, δισχιλίουσ δὲ προσκαθοπλίσασ Μακεδονικῶσ ἀντίταγμα τοῖσ παρ’ Ἀντιγόνου λευκάσπισιν, ἔργον ἐπὶ νοῦν βάλλεται μέγα καὶ πᾶσιν ἀπροσδόκητον. ἡ Μεγάλη πόλισ ἦν μὲν τότε καὶ καθ’ ἑαυτὴν οὐδέν τι μείων οὐδὲ ἀσθενεστέρα τῆσ Λακεδαίμονοσ, εἶχε δὲ τὴν ἀπὸ τῶν Ἀχαιῶν καὶ τοῦ Ἀντιγόνου βοήθειαν, ἐν πλευραῖσ καθεζομένου καὶ δοκοῦντοσ ὑπὸ τῶν Ἀχαιῶν ἐπικεκλῆσθαι μάλιστα τῶν Μεγαλο πολιτῶν σπουδασάντων.

ταύτην διἁρπάσαι διανοηθεὶσ ὁ Κλεομένησ οὐ γὰρ ἔστιν ᾧ μᾶλλον ἐοίκε τὸ ταχὺ καὶ ἀπροσδόκητον ἐκείνησ τῆσ πράξεωσ, ἡμερῶν πέντε σιτία λαβεῖν κελεύσασ ἐξῆγε τὴν δύναμιν ἐπὶ τὴν Σελασίαν ὡσ τὴν Ἀργολικὴν κακουργήσων·

ἐκεῖθεν δὲ καταβὰσ ἐπὶ τὴν Μεγαλοπολιτικὴν καὶ δειπνοποιησάμενοσ περὶ τὸ Ῥοίτειον εὐθὺσ ἐπορεύετο τὴν δι’ Ἑλικοῦντοσ ἐπὶ τὴν πόλιν ἀποσχὼν δ’ οὐ πολὺ Παντέα μὲν ἔχοντα δύο τάγματα τῶν Λακεδαιμονίων ἀπέστειλε, καταλαβέσθαι κελεύσασ μεσοπύργιον ὃ τῶν τειχῶν ἐρημότατον εἶναι τοῖσ Μεγαλοπολίταισ ἐπυνθάνετο, τῇ δὲ ἄλλῃ δυνάμει σχολαίωσ ἐπηκολούθει. τοῦ δὲ Παντέωσ οὐ μόνον ἐκεῖνον τὸν τόπον, ἀλλὰ καὶ πολὺ μέροσ Τοῦ τείχουσ ἀφύλακτον εὑρόντοσ, καὶ τὰ μὲν καθαιροῦντοσ εὐθύσ, τὰ δὲ διασκάπτοντοσ, τῶν δὲ φρουρῶν οἷσ ἐνέτυχε πάντασ ἀποκτείναντοσ, ἔφθασε προσμίξασ ὁ Κλεομένησ, καὶ πρὶν αἰσθέσθαι τοὺσ Μεγαλοπολίτασ ἔνδον ἦν μετὰ τῆσ δυνάμεωσ.

일치하는 문장이 없습니다.

SEARCH

MENU NAVIGATION