헬라어 텍스트

Plutarch, Cleomenes, chapter 29

(플루타르코스, Cleomenes, chapter 29)

ἐπεὶ δὲ εἰσ τὴν πόλιν ἀφίκετο, τοῖσ μὲν ἀπαντήσασι τῶν πολιτῶν παρῄνει δέχεσθαι τὸν Ἀντίγονον, αὐτὸσ δὲ εἶπεν εἴτε ζῶν εἴτε ἀποθανών, ὃ μέλλοι τῇ Σπάρτῃ συνοίσειν, τοῦτο πράξειν. αὐτὸσ εἰσῆλθε μὲν εἰσ τὴν οἰκίαν τὴν ἑαυτοῦ, τῆσ δὲ παιδίσκησ, ἣν εἶχεν, ἐλευθέραν οὖσαν ἐκ Μεγάλησ πόλεωσ ἀνειληφὼσ μετὰ τὴν τῆσ γυναικὸσ τελευτήν, ὡσ εἴθιστο, προσιούσησ καὶ βουλομένησ ἀπὸ στρατείασ ἥκοντα θεραπεύειν, οὔτε πιεῖν ἐκδεδιψηκὼσ ὑπέμεινεν οὔτε καθίσαι κεκμηκώσ, ἀλλ’ ὥσπερ ἐτύγχανε τεθωρακισμένοσ τῶν κιόνων τινὶ τὴν χεῖρα προσβαλὼν πλαγίαν καὶ τὸ πρόσωπον ἐπὶ τὸν πῆχυν ἐπιθείσ, καὶ χρόνον οὐ πολὺν οὕτω διαναπαύσασ τὸ σῶμα καὶ τῇ διανοίᾳ περιδραμὼν ἅπαντασ τοὺσ λογισμούσ, ὡρ́μησε μετὰ τῶν φίλων εἰσ τὸ Γύθιον.

κἀκεῖθεν ἐπιβάντεσ ἐπ’ αὐτὸ τοῦτο παρεσκευασμένων πλοίων ἀνήχθησαν.