헬라어 문장 검색 - Πλυταρ́Ξλεομεν́03́

(플루타르코스, Cleomenes, chapter 3)

εὐθὺσ μὲν εἰσ νοῦν ἔθετο τὰ παρόντα μεθιστάναι καὶ κινεῖν, ὄντοσ δὲ αὐτῷ φίλου Ξενάρουσ, ἐραστοῦ γεγονότοσ τοῦτο δὲ ἐμπνεῖσθαι Λακεδαιμόνιοι καλοῦσιν, ἀπεπειρᾶτο τούτου διαπυνθανόμενοσ τὸν Ἆγιν, ὁποῖοσ γένοιτο βασιλεὺσ καὶ τίνι τρόπῳ καὶ μετὰ τίνων ἐπὶ ταύτην ἔλθοι τὴν ὁδόν. ὁ δὲ Ξενάρησ τὸ μὲν πρῶτον οὐκ ἀηδῶσ ἐμέμνητο τῶν πραγμάτων ἐκείνων, ὡσ ἐπράχθη καθ’ ἕκαστα μυθολογῶν καὶ διηγούμενοσ· ὡσ δὲ ἦν καταφανὴσ ὁ Κλεομένησ ἐμπαθέστερον προσέχων καὶ κινούμενοσ ὑπερφυῶσ πρὸσ τὴν καινοτομίαν τοῦ Ἄγιδοσ καὶ ταὐτὰ πολλάκισ ἀκούειν βουλόμενοσ, ἐπέπληξεν αὐτῷ πρὸσ ὀργὴν ὁ Ξενάρησ ὡσ οὐχ ὑγιαίνοντι, καὶ τέλοσ ἀπέστη τοῦ διαλέγεσθαι καὶ φοιτᾶν πρὸσ αὐτόν, οὐδενὶ μέντοι τὴν αἰτίαν ἔφρασε τῆσ διαφορᾶσ, ἀλλ’ αὐτὸν ἔφη γινώσκειν ἐκεῖνον.

οὕτω δὲ τοῦ Ξενάρουσ ἀντικρούσαντοσ ὁ Κλεομένησ καὶ τοὺσ ἄλλουσ ὁμοίωσ ἔχειν ἡγούμενοσ, αὐτὸσ ἐν ἑαυτῷ συνετίθει τὴν πρᾶξιν.

οἰόμενοσ δ’ ἂν ἐν πολέμῳ μᾶλλον ἢ κατ’ εἰρήνην μεταστῆσαι τὰ παρόντα, συνέκρουσε πρὸσ τοὺσ Ἀχαιοὺσ τὴν πόλιν, αὐτοὺσ διδόντασ ἐγκλημάτων προφάσεισ, ὁ γὰρ Ἄρατοσ ἰσχύων μέγιστον ἐν τοῖσ Ἀχαιοῖσ ἐβούλετο μὲν ἐξ ἀρχῆσ εἰσ μίαν σύνταξιν ἀγαγεῖν Πελοποννησίουσ, καὶ τοῦτο τῶν πολλῶν στρατηγιῶν αὐτῷ καὶ τῆσ μακρᾶσ πολιτείασ ἦν τέλοσ, ἡγουμένῳ μόνωσ ἂν οὕτωσ ἀνεπιχειρήτουσ ἔσεσθαι τοῖσ ἐκτὸσ πολεμίοισ. ἐπεὶ δὲ τῶν ἄλλων σχεδὸν ἁπάντων αὐτῷ προσγεγονότων ἀπελείποντο Λακεδαιμόνιοι καὶ Ἠλεῖοι καὶ ὅσοι Λακεδαιμονίοισ Ἀρκάδων προσεῖχον, ἅμα τῷ τὸν Λεωνίδαν ἀποθανεῖν παρηνώχλει τοῖσ Ἀρκάσι καὶ περιέκοπτεν αὐτῶν μάλιστα τοὺσ τοῖσ Ἀχαιοῖσ ὁμοροῦντασ, ἀποπειρώμενοσ τῶν Λακεδαιμονίων, καὶ τοῦ Κλεομένουσ ὡσ νέου καὶ ἀπείρου καταφρονῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 3

(플루타르코스, Cleomenes, chapter 3)

상위

목록

SEARCH

MENU NAVIGATION