헬라어 문장 검색 - Πλυταρ́Ξλεομεν́20́

(플루타르코스, Cleomenes, chapter 20)

τοῦ δὲ Ἀντιγόνου μετὰ πολλῆσ δυνάμεωσ τὴν Γεράνειαν ὑπερβάλλοντοσ οὐκ ᾤετο δεῖν τὸν Ἰσθμόν, ἀλλὰ τὰ Ὄνεια χαρακώσασ καί τειχίσασ φυλάττειν, καί τοπομαχῶν ἀποτρίβεσθαι τοὺσ Μακεδόνασ μᾶλλον ἢ συμπλέκεσθαι πρὸσ φάλαγγα συνησκημένην. καί τούτοισ χρώμενοσ τοῖσ λογισμοῖσ εἰσ ἀπορίαν καθίστη τὸν Ἀντίγονον. οὔτε γὰρ σῖτον εἶχεν ἐκ παρασκευῆσ ἱκανόν, οὔτε βιάσασθαι τὴν πάροδον, καθημένου τοῦ Κλεομένουσ, ἦν ῥᾴδιον ἐπιχειρήσασ δὲ παραδύεσθαι διὰ τοῦ Λεχαίου νυκτόσ ἐξέπεσε καί τινασ ἀπέβαλε τῶν στρατιωτῶν, ὥστε παντάπασι θαρρῆσαι τὸν Κλεομένη καί τοὺσ περὶ αὐτὸν ἐπηρμένουσ τῇ νίκῃ τραπέσθαι πρὸσ τὸ δεῖπνον, ἀθυμεῖν δὲ τὸν Ἀντίγονον εἰσ οὐκ εὐπόρουσ κατακλειόμενον ὑπὸ τῆσ ἀνάγκησ λογισμούσ, ἐβουλεύετο γὰρ ἐπὶ τὴν ἄκραν ἀναζευγνύναι τὸ Ἡραῖον κἀκεῖθεν εἰσ Σικυῶνα πλοίοισ περαιῶσαι τὴν δύναμιν ὃ καί χρόνου πολλοῦ καί παρασκευῆσ ̣

ἦν οὐ τῆσ τυχούσησ, ἤδη δὲ πρὸσ ἑσπέραν ἧκον ἐξ Ἄργουσ κατὰ θάλατταν ἄνδρεσ Ἀράτου φίλοι, καλοῦντεσ αὐτὸν ὡσ ἀφισταμένων τῶν Ἀργείων τοῦ Κλεομένουσ, ὁ δὲ πράττων ἦν τὴν ἀπόστασιν Ἀριστοτέλησ· καὶ τὸ πλῆθοσ οὐ χαλεπῶσ ἔπεισεν, ἀγανακτοῦν ὅτι χρεῶν ἀποκοπὰσ οὐκ ἐποίησεν αὐτοῖσ ὁ Κλεομένησ ἐλπίσασι. λαβὼν οὖν ὁ Ἄρατοσ παρ’ Ἀντιγόνου στρατιώτασ χιλίουσ καί πεντακοσίουσ παρέπλευσεν εἰσ Ἐπίδαυρον.

ὁ δὲ Ἀριστοτέλησ ἐκεῖνον οὐ περιέμενεν, ἀλλὰ τοὺσ πολίτασ παραλαβὼν προσεμάχετο τοῖσ φρουροῦσι τὴν ἀκρόπολιν καί παρῆν αὐτῷ Τιμόξενοσ μετὰ τῶν Ἀχαιῶν ἐκ Σικυῶνοσ βοηθῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cleomenes, chapter 20

(플루타르코스, Cleomenes, chapter 20)

상위

목록

SEARCH

MENU NAVIGATION