호흡부호 보기
강세부호 보기
장단부호 보기
작은 Iota 보기
모든 부호 보기
ἑαλωκότοσ δὲ Ἄργουσ καὶ κατόπιν εὐθὺσ προσθεμένων τῷ Κλεομένει Κλεωνῶν καὶ Φλιοῦντοσ, ἐτύγχανε μὲν ὁ Ἄρατοσ ἐν Κορίνθῳ ποιούμενόσ τινα τῶν λεγομένων λακωνίζειν ἐξέτασιν ἀγγελίασ δὲ περὶ τούτων προσπεσούσησ διαταραχθεὶσ καὶ τήν πόλιν ἀποκλίνουσαν αἰσθόμενοσ πρὸσ τόν Κλεομένη καὶ τῶν Ἀχαιῶν ἀπαλλαγῆναι βουλομένην, ἐκάλει μὲν εἰσ τὸ βουλευτήριον τοὺσ πολίτασ, ἔλαθε δὲ διολισθὼν ἄχρι τῆσ πύλησ, ἐκεῖ δὲ τοῦ ἵππου προσαχθέντοσ ἀναβὰσ ἔφυγεν εἰσ Σικυῶνα. τῶν δὲ Κορινθίων ἁμιλλωμένων εἰσ Ἄργοσ πρὸσ τόν Κλεομένη φησὶν ὁ Ἄρατοσ τοὺσ ἵππουσ πάντασ ῥαγῆναι, τόν δὲ Κλεομένη μέμφεσθαι τοὺσ Κορινθίουσ μὴ συλλαβόντασ αὐτόν, ἀλλ’ ἐάσαντασ διαφυγεῖν οὐ μὴν ἀλλὰ καὶ πρὸσ αὐτόν ἐλθεῖν Μεγιστόνουν παρὰ τοῦ Κλεομένουσ δεομένου παραλαβεῖν τὸν Ἀκροκόρινθον εἶχε γὰρ φρουρὰν Ἀχαιῶν καὶ πολλὰ χρήματα διδόντοσ·
ἀποκρίνασθαι δὲ αὐτόν ὡσ οὐκ ἔχει τὰ πράγματα, μᾶλλον δὲ ὑπὸ τῶν πραγμάτων αὐτὸσ ἔχεται· ταῦτα μὲν ὁ Ἄρατοσ γέγραφεν. ὁ δὲ Κλεομένησ ἐκ τοῦ Ἄργουσ ἐπελθὼν καὶ προσαγαγόμενοσ Τροιζηνίουσ, Ἐπιδαυρίουσ, Ἑρμιονέασ, ἧκεν εἰσ Κόρινθον καὶ τήν μὲν ἄκραν περιεχαράκωσε, τῶν Ἀχαιῶν οὐ βουλομένων ἐκλιπεῖν, τοῦ δὲ Ἀράτου τοὺσ φίλουσ καὶ τοὺσ ἐπιτρόπουσ μεταπεμψάμενοσ ἐκέλευσε τήν οἰκίαν καὶ τὰ χρήματα λαβόντασ φυλάττειν καὶ διοικεῖν.
Τριτύμαλλον δὲ πάλιν τόν Μεσσήνιον ἀπέστειλε πρὸσ αὐτόν, ἀξιῶν ὑπὸ τῶν Ἀχαιῶν καὶ τῶν Λακεδαιμονίων ὁμοῦ φυλάττεσθαι τόν Ἀκροκόρινθον, ἰδίᾳ δὲ τῷ Ἀράτῳ διπλῆν ἐπαγγελλόμενοσ τήν σύνταξιν ἧσ ἐλάμβανε παρὰ Πτολεμαίου τοῦ βασιλέωσ, ἐπεὶ δὲ ὁ Ἄρατοσ οὐχ ὑπήκουσεν, ἀλλὰ τόν τε υἱὸν ἔπεμψε πρὸσ τόν Ἀντίγονον μετὰ τῶν ἄλλων ὁμήρων καὶ ψηφίσασθαι τοὺσ Ἀχαιοὺσ ἔπεισεν Ἀντιγόνῳ παραδιδόναι τόν Ἀκροκόρινθον, οὕτωσ ὁ Κλεομένησ τήν τε Σικυωνίαν ἐμβαλὼν ἐπόρθησε, καὶ τὰ χρήματα τοῦ Ἀράτου, τῶν Κορινθίων αὐτῷ ψηφισαμένων, δωρεὰν ἔλαβε.
호흡부호 보기
강세부호 보기
장단부호 보기
작은 Iota 보기
모든 부호 보기