Plutarch, Cleomenes, chapter 7

(플루타르코스, Cleomenes, chapter 7)

ἐκ τούτου Κλεομένησ μέγα φρονῶν ἤδη, καὶ πεπεισμένοσ ἂν ὡσ βούλεται τοῖσ πράγμασι χρώμενοσ πολεμῇ πρὸσ τοὺσ Ἀχαιούσ, ῥᾳδίωσ ἐπικρατήσειν, ἐδίδασκε τὸν τῆσ; μητρὸσ ἄνδρα Μεγιστόνουν ὡσ χρὴ τῶν ἐφόρων ἀπαλλαγέντασ εἰσ μέσον θεῖναι τὰ κτήματα τοῖσ πολίταισ καὶ τὴν Σπάρτην ἴσην γενομένην ἐγείρειν καὶ προάγειν ἐπὶ τὴν τῆσ Ἑλλάδοσ ἡγεμονίαν. πεισθέντοσ δ’ ἐκείνου δύο τῶν ἄλλων φίλων ἢ τρεῖσ προσέλαβε. συνέβη δὲ περὶ τὰσ ἡμέρασ ἐκείνασ καὶ τῶν ἐφόρων ἕνα κοιμώμενον ἐν Πασιφάασ ὄναρ ἰδεῖν θαυμαστόν·

ἐδόκει γάρ ἐν ᾧ τόπῳ τοῖσ ἐφόροισ ἔθοσ ἐστὶ καθεζομένοισ χρηματίζειν ἕνα δίφρον κεῖσθαι, τοὺσ δὲ τέτταρασ ἀνῃρῆσθαι, καὶ θαυμάζοντοσ αὐτοῦ φωνὴν ἐκ τοῦ ἱεροῦ γενέσθαι φράζουσαν ὡσ τοῦτο τῇ Σπάρτῃ λῷόν ἐστι. ταύτην τὴν ὄψιν διηγουμένου τοῦ ἐφόρου πρὸσ τὸν Κλεομένη, τὸ μὲν πρῶτον διεταράχθη καθ’ ὑποψίαν τινὰ πειράζεσθαι δοκῶν, ὡσ δὲ ἐπείσθη μὴ ψεύδεσθαι τὸν διηγούμενον, ἐθάρρησε.

καὶ λαβὼν ὅσουσ ὑπώπτευε μάλιστα τῶν πολιτῶν ἐναντιώσεσθαι πρὸσ τὴν πρᾶξιν, Ἡραίαν καὶ Ἀλσαίαν τὰσ πόλεισ ταττομένασ ὑπὸ τοῖσ Ἀχαιοῖσ εἷλε, καὶ σῖτον εἰσήγαγεν Ὀρχομενίοισ, καὶ Μαντινείᾳ παρεστρατοπέδευσε, καὶ ὅλωσ ἄνω καὶ κάτω μακραῖσ πορείαισ ἀποτρύσασ τοὺσ Λακεδαιμονίουσ ἀπέλιπεν αὐτῶν δεηθέντων τοὺσ πολλοὺσ ἐν Ἀρκαδίᾳ, τοὺσ δὲ μισθοφόρουσ ἔχων αὐτὸσ ἐπὶ τὴν Σπάρτην ἐχώρει. καὶ καθ’ ὁδὸν οἷσ ἐπίστευε μάλιστα καλῶσ πρὸσ αὐτὸν ἔχειν ἀνεκοινοῦτο τὴν γνώμην, καὶ προῄει σχέδην, ὡσ περὶ τὸ δεῖπνον οὖσι τοῖσ ἐφόροισ ἐπιπέσοι.

일치하는 문장이 없습니다.

SEARCH

MENU NAVIGATION