헬라어 문장 검색 - Πλυταρ́Ξλεομεν́21́

(플루타르코스, Cleomenes, chapter 21)

ταῦτα περὶ δευτέραν φυλακὴν τῆσ νυκτὸσ ἀκούσασ ὁ Κλεομένησ μετεπέμψατο Μεγιστόνουν, καὶ πρὸσ ὀργὴν ἐκέλευσεν εὐθὺσ εἰσἌργοσ βοηθεῖν ὁ γὰρ ὑπὲρ τῶν Ἀργείων μάλιστα καταπιστωσάμενοσ πρὸσ αὑτόν ἐκεῖνοσ ἦν, καὶ διεκώλυσεν ἐκβαλεῖν τοὺσ ὑπόπτουσ, ἀπολύσασ οὖν τὸν Μεγιστόνουν μετὰ δισχιλίων στρατιωτῶν αὐτὸσ προσεῖχε τῷ Ἀντιγόνῳ, καὶ τοὺσ Κορινθίουσ παρεθάρρυνεν ὡσ οὐδενὸσ μεγάλου περὶ τὸ Ἄργοσ, ἀλλὰ ταραχῆσ τινοσ ἀπ’ ἀνθρώπων ὀλίγων γεγενημένησ. ἐπεὶ δὲ ὁ Μεγιστόνουσ τε παρεισπεσὼν εἰσ τὸ Ἄργοσ ἀνῃρέθη μαχόμενοσ καὶ μόγισ ἀντεῖχον οἱ φρουροὶ καὶ διεπέμποντο συχνοὺσ πρὸσ τὸν Κλεομένη, φοβηθεὶσ μὴ τοῦ Ἄργουσ οἱ πολέμιοι κρατήσαντεσ καὶ τὰσ παρόδουσ ἀποκλείσαντεσ αὐτοὶ πορθῶσιν ἀδεῶσ τὴν Λακωνικὴν καὶ πολιορκῶσι τὴν Σπάρτην ἔρημον οὖσαν, ἀπῆγεν ἐκ Κορίνθου τὸ στράτευμα, καὶ ταύτησ μὲν εὐθὺσ ἐστέρητο τῆσ πόλεωσ εἰσελθόντοσ Ἀντιγόνου καὶ φρουρὰν καταστήσαντοσ·

ἐπιβαλὼν δὲ τῷ Ἄργει κατὰ τὸ τεῖχοσ ἐπεχείρησε μὲν εἰσαλέσθαι καὶ συνέστρεψεν ἐκ τῆσ πορείασ τὴν δύναμιν, ἐκκόψασ δὲ τὰσ ὑπὸ τὴν Ἀσπίδα ψαλίδασ ἀνέβη καὶ συνέμιξε τοῖσ ἔνδον ἔτι πρὸσ τοὺσ Ἀχαιοὺσ ἀντέχουσι, καὶ τῶν ἐντὸσ ἔνια κλίμακασ προσθεὶσ κατέλαβε, καὶ τοὺσ στενωποὺσ ἐρήμουσ πολεμίων ἐποίησε, τοῖσ βέλεσι χρήσασθαι προστάξασ τοὺσ Κρῆτασ.

ὡσ δὲ κατεῖδε τὸν Ἀντίγονον ἀπὸ τῶν ἄκρων εἰσ τὸ πεδίον καταβαίνοντα μετὰ τῆσ φάλαγγοσ, τοὺσ δὲ ἱππεῖσ ἤδη ῥύδην ἐλαύνοντασ εἰσ τὴν πόλιν, ἀπέγνω κρατήσειν καὶ συναγαγὼν ἅπαντασ πρὸσ αὑτόν ἀσφαλῶσ κατέβη καὶ παρὰ τὸ τεῖχοσ ἀπηλλάττετο, μεγίστων μὲν ἐν ἐλαχίστῳ χρόνῳ πραγμάτων ἐπικρατήσασ, καὶ μετὰ μικρὸν ὅλησ ὁμοῦ τι μιᾷ περιόδῳ Πελοποννήσου κύριοσ γενέσθαι δεήσασ, ταχὺ δ’ αὖθισ ἐκπεσὼν ἁπάντων, οἱ μὲν γὰρ εὐθὺσ ἀπεχώρησαν αὐτοῦ τῶν στρατευομένων, οἱ δὲ ὀλίγον ὕστερον τῷ Ἀντιγόνῳ τὰσ πόλεισ παρέδωκαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 21

(플루타르코스, Cleomenes, chapter 21)

상위

목록

SEARCH

MENU NAVIGATION