Plutarch, Cleomenes, chapter 1

(플루타르코스, Cleomenes, chapter 1)

ἀποθανόντοσ δὲ αὐτοῦ τὸν μὲν ἀδελφὸν Ἀρχίδαμον οὐκ ἔφθη συλλαβεῖν ὁ Λεωνίδασ εὐθὺσ ἐκφυγόντα, τὴν δὲ γυναῖκα παιδίον ἔχουσαν νεογνὸν ἐκ τ̣ ῆσ οἰκίασ ἀπαγαγὼν βίᾳ Κλεομένει τῷ υἱῷ συνῴκισεν οὐ πάνυ γάμων ὡρ́αν ἔχοντι, τὴν δὲ ἄνθρωπον ἄλλῳ δοθῆναι μὴ βουλόμενοσ. μὴ βιασθῆναι δεομένη, συνελθοῦσα δὲ εἰσ ταὐτὸ τῷ Κλεομένει τὸν μὲν Λεωνίδαν ἐμίσει, περὶ δὲ αὐτὸν τὸν νεανίσκον ἦν ἀγαθὴ γυνὴ καὶ φιλόστοργοσ, ἐρωτικῶσ ἅμα τῷ λαβεῖν πρὸσ αὐτὴν διατεθέντα καί τινα τρόπον συμπαθοῦντα τῇ πρὸσ τὸν Ἆγιν εὐνοίᾳ καὶ μνήμῃ τῆσ γυναικόσ, ὥστε καὶ πυνθάνεσθαι πολλάκισ περὶ τῶν γεγονότων καὶ προσέχειν ἐπιμελῶσ διηγουμένησ ἐκείνησ ἣν ὁ Ἆγισ ἔσχε διάνοιαν καὶ προαίρεσιν.

ἦν δὲ καὶ φιλότιμοσ μὲν καὶ μεγαλόφρων ὁ Κλεομένησ καὶ πρὸσ ἐγκράτειαν καὶ ἀφέλειαν οὐχ ἧττον τοῦ Ἄγιδοσ εὖ πεφυκώσ, τὸ δὲ εὐλαβὲσ ἄγαν ἐκεῖνο καὶ πρᾶον οὐκ εἶχεν, ἀλλὰ κέντρον τι θυμοῦ τῇ φύσει προσέκειτο καὶ μετὰ σφοδρότητοσ ὁρμὴ πρὸσ τὸ φαινόμενον ἀεὶ καλόν, ἐφαίνετο δὲ κάλλιστον μὲν αὐτῷ κρατεῖν ἑκόντων, καλὸν δὲ καὶ μὴ πειθομένων περιεῖναι πρὸσ τὸ βέλτιον ἐκβιαζόμενον.

일치하는 문장이 없습니다.

SEARCH

MENU NAVIGATION