Plutarch, Cleomenes, chapter 35

(플루타르코스, Cleomenes, chapter 35)

τοιούτων δὲ τῶν κατ’ αὐτὸν ὄντων πραγμάτων ἀφικνεῖται Νικαγόρασ ὁ Μεσσήνιοσ εἰσ Ἀλεξάνδρειαν, ἀνὴρ μισῶν μὲν τὸν Κλεομένη, προσποιούμενοσ δὲ φίλοσ εἶναι· χωρίον δέ ποτε καλὸν αὐτῷ πεπρακώσ καὶ δι’ ἀσχολίαν, ὡσ ἐοίκε, διὰ πολέμουσ οὐκ ἀπειληφὼσ τὸ ἀργύριον. τοῦτον οὖν ἐκβαίνοντα τότε τῆσ ὁλκάδοσ ἰδὼν ὁ Κλεομένησ ἔτυχε γὰρ ἐν τῇ κρηπῖδι τοῦ λιμένοσ περιπατῶν ἠσπάζετο προθύμωσ καὶ τίσ αὐτὸν εἰσ Αἴγυπτον ἄγοι πρόφασισ ἠρώτα. "σε μᾶλλον ἥκειν ἄγοντα σαμβυκιστρίασ καὶ κιναίδουσ·

"ταῦτα γὰρ νῦν μάλιστα κατεπείγει τὸν βασιλέα. καὶ ὁ Νικαγόρασ τότε μὲν ἐμειδίασεν ἡμέραισ δὲ ὕστερον ὀλίγαισ ὑπομνήσασ τοῦ χωρίου τὸν Κλεομένην νῦν γοῦν ἐδεῖτο τὴν τιμὴν ἀπολαβεῖν, ὡσ οὐκ ἂν ἐνοχλήσασ, εἰ μὴ περὶ τὴν τῶν φορτίων διάθεσιν μετρίωσ ἐζημιοῦτο. τοῦ δὲ Κλεομένουσ φήσαντοσ οὐδὲν αὐτῷ περιεῖναι τῶν δεδομένων, λυπηθεὶσ ὁ Νικαγόρασ ἐκφέρει τῷ Σωσιβίῳ τὸ σκῶμμα τοῦ Κλεομένουσ, ὁ δὲ καὶ τοῦτο μὲν ἀσμένωσ ἔλαβεν, ἐκ δὲ μείζονοσ αἰτίασ τὸν βασιλέα παροξῦναι ζητῶν ἔπεισε τὸν Νικαγόραν ἐπιστολὴν γράψαντα κατὰ τοῦ Κλεομένουσ ἀπολιπεῖν, ὡσ ἐγνωκότοσ, εἰ λάβοι τριήρεισ καὶ στρατιώτασ παρ’ αὐτοῦ, Κυρήνην κατασχεῖν.

ὁ μὲν οὖν Νικαγόρασ ταῦτα γράψασ ἀπέπλευσε·

τοῦ δὲ Σωσιβίου μετὰ τέσσαρασ ἡμέρασ τὴν ἐπιστολὴν πρὸσ τὸν Πτολεμαῖον ἀνενεγκόντοσ ὡσ ἀρτίωσ αὐτῷ δεδομένην καὶ παροξύναντοσ τὸ μειράκιον, ἔδοξεν εἰσ οἰκίαν μεγάλην εἰσαγαγεῖν τὸν Κλεομένην, καὶ τὴν ἄλλην ὁμοίωσ παρέχοντασ δίαιταν ἐξόδων εἴργειν.

일치하는 문장이 없습니다.

SEARCH

MENU NAVIGATION