호흡부호 보기
강세부호 보기
장단부호 보기
작은 Iota 보기
모든 부호 보기
οὐ μικρὸν οὖν τοῦτο καὶ πρὸσ δόξαν αὐτῷ καὶ δύναμιν ὑπῆρχεν. οὔτε γὰρ οἱ πάλαι βασιλεῖσ Λακεδαιμονίων πολλὰ πραγματευσάμενοι προσαγαγέσθαι τὸ Ἄργοσ βεβαίωσ ἠδυνήθησαν, τε δεινότατοσ τῶν στρατηγῶν Πύρροσ εἰσελθὼν καὶ βιασάμενοσ οὐ κατέσχε τὴν πόλιν, ἀλλ’ ἀπέθανε καὶ πολὺ συνδιεφθάρη μέροσ αὐτῷ τῆσ δυνάμεωσ, ὅθεν ἐθαύμαζον τὴν ὀξύτητα καὶ διάνοιαν τοῦ Κλεομένουσ· οὕτω γὰρ ἔπραττον τὸ πρὶν ταπεινὰ καὶ βοηθεῖν αὑτοῖσ ἀδυνάτωσ εἶχον, ὥστε πέντε μυριάδασ ἀνδραπόδων ἐμβαλόντασ εἰσ τὴν Λακωνικὴν Αἰτωλοὺσ ἀπαγαγεῖν, ὅτε φασὶν εἰπεῖν τινα τῶν πρεσβυτέρων Σπαρτιατῶν ὡσ ὤνησαν οἱ πολέμιοι τὴν Λακωνικὴν ἀποκουφί σαντεσ.
ὀλίγου δὲ χρόνου διελθόντοσ ἁψάμενοι μόνον τῶν πατρίων ἐθῶν καὶ καταστάντεσ εἰσ ἴχνοσ ἐκείνησ τῆσ ἀγωγῆσ, ὥσπερ παρόντι καὶ συμπολιτευομένῳ τῷ Λυκούργῳ πολλὴν ἐπίδειξιν ἀνδρείασ ἐποιοῦντο καὶ πειθαρχίασ, τὴν τῆσ Ἑλλάδοσ ἀναλαμβάνοντεσ ἡγεμονίαν τῇ Λακεδαίμονι καὶ ἀνακτώμενοι τὴν Πελοπόννησον.
호흡부호 보기
강세부호 보기
장단부호 보기
작은 Iota 보기
모든 부호 보기