헬라어 문장 검색 - Πλυταρ́Ξλεομεν́38́

(플루타르코스, Cleomenes, chapter 38)

Κλεομένησ μὲν οὖν ἑκκαίδεκα τῆσ Σπάρτησ βασιλεύσασ ἔτη καὶ τοιοῦτοσ ἀνὴρ γενόμενοσ οὕτω κατέστρεψε, Τῆσ δὲ φήμησ εἰσ τὴν πόλιν ὅλην σκεδασθείσησ ἡ μὲν Κρατησίκλεια, καίπερ οὖσα γενναία γυνὴ, προὔδωκε τὸ φρόνημα πρὸσ τὸ τῆσ συμφορᾶσ μέγεθοσ, καὶ περιβαλοῦσα τὰ παιδία τοῦ Κλεομένουσ ὠλοφύρετο. τῶν δὲ παιδίων τὸ πρεσβύτερον ἀποπηδῆσαν, οὐδενὸσ ἂν προσδοκήσαντοσ, ἀπὸ τοῦ τέγουσ ἐπὶ κεφαλὴν ἔρριψεν ἑαυτό καὶ κακῶσ μὲν ἔσχεν, οὐ μὴν ἀπέθανεν, ἀλλ’ ἤρθη βοῶν καὶ ἀγανακτοῦν ἐπὶ τῷ διακωλύεσθαι τελευτᾶν.

ὁ δὲ Πτολεμαῖοσ, ὡσ ἔγνω ταῦτα, προσέταξε τὸ μὲν σῶμα τοῦ Κλεομένουσ κρεμάσαι καταβυρσώσαντασ, ἀποκτεῖναι δὲ τὰ παιδία καὶ τὴν μητέρα καὶ τὰσ περὶ αὐτὴν γυναῖκασ, ἐν δὲ ταύταισ ἦν καὶ Παντέωσ γυνή καλλίστη καὶ γενναιοτάτη τὸ εἶδοσ. ἔτι δὲ αὐτοῖσ νεογάμοισ οὖσιν ἐν ἀκμαῖσ ἐρώτων αἱ τύχαι συνέβησαν, εὐθὺσ μὲν οὖν συνεκπλεῦσαι τῷ Παντεῖ βουλομένην αὐτὴν οὐκ εἰάσαν οἱ γονεῖσ, ἀλλὰ βίᾳ κατακλείσαντεσ ἐφύλαττον·

ὀλίγῳ δὲ ὕστερον ἵππον ἑαυτῇ παρασκευάσασα καὶ χρυσίδιον οὐ πολὺ νυκτὸσ ἀπέδρα, καὶ διώξασα συντόνωσ ἐπὶ Ταίναρον, ἐκεῖθεν ἐπέβη νεὼσ εἰσ Αἴγυπτον πλεούσησ·

καὶ διεκομίσθη πρὸσ τόν ἄνδρα καὶ συνδιήνεγκεν αὐτῷ τόν ἐπὶ ξένησ βίον ἀλύπωσ καὶ ἱλαρῶσ. αὕτη τότε τὴν Κρατησίκλειαν ὑπὸ τῶν στρατιωτῶν ἐξαγομένην ἐχειραγώγει, τόν τε πέπλον αὐτῆσ ὑπολαμβάνουσα, καὶ θαρρεῖν παρακαλοῦσα μηδέν τι μηδ’ αὐτὴν ἐκπεπληγμένην τόν θάνατον, ἀλλ’ ἓν μόνον αἰτουμένην, πρὸ τῶν παιδίων ἀποθανεῖν. "ὦ τέκνα, ποῖ ἐμόλετε;

ἡ δὲ Παντέωσ γυνὴ, περιζωσαμένη τὸ ἱμάτιον, εὔρωστοσ οὖσα καὶ μεγάλη τῶν ἀποθνῃσκουσῶν ἑκάστην σιωπῇ καὶ μεθ’ ἡσυχίασ ἐθεράπευε καὶ περιέστελλεν ἐκ τῶν ἐνδεχομένων. τέλοσ δὲ μετὰ πάσασ ἑαυτὴν κοσμήσασα, καὶ καταγαγοῦσα τὴν περιβολήν, καὶ μηδένα προσελθεῖν ἐάσασα μηδὲ ἰδεῖν ἄλλον ἢ τόν ἐπὶ τῆσ σφαγῆσ τεταγμένον, ἡρωικῶσ κατέστρεψεν, οὐδενὸσ δεηθεῖσα κοσμοῦντοσ καὶ περικαλύπτοντοσ μετὰ τὴν τελευτήν.

οὕτω παρέμεινε τῷ θανάτῳ τὸ κόσμιον τῆσ ψυχῆσ, καὶ διεφύλαξεν ἣν ζῶσα φρουρὰν τῷ σώματι περιέθηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 38

(플루타르코스, Cleomenes, chapter 38)

상위

목록

SEARCH

MENU NAVIGATION