헬라어 문장 검색 - Πλυταρ́Ξλεομεν́09́

(플루타르코스, Cleomenes, chapter 9)

ἔστι δὲ Λακεδαιμονίοισ οὐ Φόβου μόνον, ἀλλὰ καί Θανάτου καί Γέλωτοσ καί τοιούτων ἄλλων παθημάτων ἱερά. τιμῶσι δὲ τὸν Φόβον οὐχ ὥσπερ οὓσ ἀποτρέπονται δαίμονασ, ἡγούμενοι βλαβερόν, ἀλλὰ τὴν πολιτείαν μάλιστα συνέχεσθαι φόβῳ νομίζοντεσ. διὸ καί προεκήρυττον οἱ ἔφοροι τοῖσ πολίταισ εἰσ τὴν ἀρχὴν εἰσιόντεσ, ὡσ Ἀριστοτέλησ φησί, κείρεσθαι τὸν μύστακα καὶ προσέχειν τοῖσ νόμοισ, ἵνα μὴ χαλεποὶ ὦσιν αὐτοῖσ·

τὸ τοῦ μύστακοσ, οἶμαι, προτείνοντεσ, ὅπωσ καί περὶ τὰ μικρότατα τοὺσ νέουσ πειθαρχεῖν ἐθίζωσι. καί τὴν ἀνδρείαν δέ μοι δοκοῦσιν οὐκ ἀφοβίαν, ἀλλὰ Φόβον ψόγου καί δέοσ ἀδοξίασ οἱ παλαιοὶ νομίζειν.

οἱ γὰρ δειλότατοι πρὸσ τοὺσ νόμουσ θαρραλεώτατοι πρὸσ τοὺσ πολεμίουσ εἰσί καὶ τὸ παθεῖν ἥκιστα δεδίασιν οἱ μάλιστα φοβούμενοι τὸ κακῶσ ἀκοῦσαι. διὸ καί καλῶσ ὁ εἰπών· ἵνα γὰρ δέοσ, ἔνθα καί αἰδώσ.

καί Ὅμηροσ, αἰδοῖόσ τέ μοί ἐσσι, φίλε ἑκυρὲ, δεινόσ τε· καί σιγῇ δειδιότεσ σημάντορασ. τὸ γὰρ αἰσχύνεσθαι μάλιστα συμβαίνει πρὸσ οὓσ καί τὸ δεδοικέναι τοῖσ πολλοῖσ, διὸ καί παρὰ τὸ τῶν ἐφόρων συσσίτιον τὸν Φόβον ἵδρυνται Λακεδαιμόνιοι, μοναρχίασ ἐγγυτάτω κατασκευασάμενοι τὸ ἀρχεῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cleomenes, chapter 9

(플루타르코스, Cleomenes, chapter 9)

상위

목록

SEARCH

MENU NAVIGATION