호흡부호 보기
강세부호 보기
장단부호 보기
작은 Iota 보기
모든 부호 보기
ἔστι δὲ Λακεδαιμονίοισ οὐ Φόβου μόνον, ἀλλὰ καί Θανάτου καί Γέλωτοσ καί τοιούτων ἄλλων παθημάτων ἱερά. τιμῶσι δὲ τὸν Φόβον οὐχ ὥσπερ οὓσ ἀποτρέπονται δαίμονασ, ἡγούμενοι βλαβερόν, ἀλλὰ τὴν πολιτείαν μάλιστα συνέχεσθαι φόβῳ νομίζοντεσ. διὸ καί προεκήρυττον οἱ ἔφοροι τοῖσ πολίταισ εἰσ τὴν ἀρχὴν εἰσιόντεσ, ὡσ Ἀριστοτέλησ φησί, κείρεσθαι τὸν μύστακα καὶ προσέχειν τοῖσ νόμοισ, ἵνα μὴ χαλεποὶ ὦσιν αὐτοῖσ·
τὸ τοῦ μύστακοσ, οἶμαι, προτείνοντεσ, ὅπωσ καί περὶ τὰ μικρότατα τοὺσ νέουσ πειθαρχεῖν ἐθίζωσι. καί τὴν ἀνδρείαν δέ μοι δοκοῦσιν οὐκ ἀφοβίαν, ἀλλὰ Φόβον ψόγου καί δέοσ ἀδοξίασ οἱ παλαιοὶ νομίζειν.
οἱ γὰρ δειλότατοι πρὸσ τοὺσ νόμουσ θαρραλεώτατοι πρὸσ τοὺσ πολεμίουσ εἰσί καὶ τὸ παθεῖν ἥκιστα δεδίασιν οἱ μάλιστα φοβούμενοι τὸ κακῶσ ἀκοῦσαι. διὸ καί καλῶσ ὁ εἰπών· ἵνα γὰρ δέοσ, ἔνθα καί αἰδώσ.
καί Ὅμηροσ, αἰδοῖόσ τέ μοί ἐσσι, φίλε ἑκυρὲ, δεινόσ τε· καί σιγῇ δειδιότεσ σημάντορασ. τὸ γὰρ αἰσχύνεσθαι μάλιστα συμβαίνει πρὸσ οὓσ καί τὸ δεδοικέναι τοῖσ πολλοῖσ, διὸ καί παρὰ τὸ τῶν ἐφόρων συσσίτιον τὸν Φόβον ἵδρυνται Λακεδαιμόνιοι, μοναρχίασ ἐγγυτάτω κατασκευασάμενοι τὸ ἀρχεῖον.
호흡부호 보기
강세부호 보기
장단부호 보기
작은 Iota 보기
모든 부호 보기