헬라어 문장 검색 - Πλυταρ́Ξλεομεν́08́

(플루타르코스, Cleomenes, chapter 8)

γενόμενοσ δὲ τῆσ πόλεωσ ἐγγύσ, Εὐρυκλείδαν μὲν εἰσ τὸ τῶν ἐφόρων συσσίτιον ἀπέστειλεν ὥσ τινα παρ’ αὐτοῦ λόγον ἀπὸ στρατιᾶσ κομίζοντα, Θηρυκίων δὲ καὶ Φοῖβισ καὶ δύο τῶν συντρόφων τοῦ Κλεομένουσ, οὓσ μόθακασ καλοῦσιν, ἐπηκολούθουν στρατιώτασ ὀλίγουσ ἔχοντεσ. ἔτι δὲ τοῦ Εὐρυκλείδα διαλεγομένου τοῖσ ἐφόροισ ἐπιδραμόντεσ ἐσπασμέναισ ταῖσ μαχαίραισ ἔπαιον αὐτούσ. ὁ μὲν οὖν πρῶτοσ Ἀγύλαιοσ, ὡσ ἐπλήγη, πεσὼν καὶ τεθνάναι δόξασ ἀτρέμα συναγαγὼν καὶ παρέλκων ἑαυτὸν ἐκ τοῦ οἰκήματοσ ἔλαθεν εἴσ τι δωμάτιον εἰσερπύσασ μικρόν, ὃ Φόβου μὲν ἦν ἱερόν, ἄλλωσ δὲ κεκλεισμένον ἀεὶ, τότε ἐκ τύχησ ἀνεῳγμένον ἐτύγχανεν.

εἰσ τοῦτο συνεισενεγκὼν ἑαυτὸν ἀπέκλεισε τὸ θύριον. οἱ δὲ τέσσαρεσ ἀνῃρέθησαν, καὶ τῶν ἐπιβοηθούντων αὐτοῖσ οὐ πλείονεσ ἢ δέκα. τοὺσ γὰρ ἡσυχίαν ἄγοντασ οὐκ ἔκτειναν, οὐδὲ τοὺσ ἀπιόντασ ἐκ τῆσ πόλεωσ ἐκώλυον. ἐφείσαντο δὲ καὶ τοῦ Ἀγυλαίου μεθ’ ἡμέραν ἐκ τοῦ ἱεροῦ προελθόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cleomenes, chapter 8

(플루타르코스, Cleomenes, chapter 8)

상위

목록

SEARCH

MENU NAVIGATION