헬라어 문장 검색 - Πλυταρ́Ξλεομεν́11́

(플루타르코스, Cleomenes, chapter 11)

ἐκ τούτου πρῶτον μὲν αὐτὸσ εἰσ μέσον τὴν οὐσίαν ἔθηκε καὶ Μεγιστόνουσ ὁ πατρῳὸσ αὐτοῦ καὶ τῶν ἄλλων φίλων ἕκαστοσ, ἔπειτα καὶ οἱ λοιποὶ πολῖται πάντεσ, ἡ δὲ χώρα διενεμήθη. κλῆρον δὲ καὶ τῶν ὑπ’ αὐτοῦ γεγονότων φυγάδων ἀπένειμεν ἑκάστῳ, καὶ κατάξειν ἅπαντασ ὡμολόγησε τῶν πραγμάτων ἐν ἡσυχίᾳ γενομένων. ἀναπληρώσασ δὲ τὸ πολίτευμα τοῖσ χαριεστάτοισ τῶν περιοίκων ὁπλίτασ τετρακισχιλίουσ ἐποίησε, καὶ διδάξασ αὐτοὺσ ἀντὶ δόρατοσ χρῆσθαι σαρίσῃ δι’ ἀμφοτέρων καὶ τὴν ἀσπίδα φορεῖν δι’’ ὀχάνησ, μὴ διὰ πόρπακοσ, ἐπὶ τὴν παιδείαν τῶν νέων ἐτράπη καὶ τὴν λεγομένην ἀγωγήν, ἧσ τὰ πλεῖστα παρὼν ὁ Σφαῖροσ αὐτῷ συγκαθίστη, ταχὺ τὸν προσήκοντα τῶν τε γυμνασίων καὶ τῶν συσσιτίων κόσμον ἀναλαμβανόντων, καὶ συστελλομένων ὀλίγων μὲν ὑπ’ ἀνάγκησ, ἑκουσίωσ δὲ τῶν πλείστων εἰσ τὴν εὐτελῆ καὶ Λακωνικὴν ἐκείνην δίαιταν.

ὅμωσ δὲ τὸ τῆσ μοναρχίασ ὄνομα παραμυθούμενοσ ἀπέδειξε μεθ’ ἑαυτοῦ βασιλέα τὸν ἀδελφὸν Εὐκλείδαν.

καὶ τότε μόνον Σπαρτιάταισ ἐκ μιᾶσ οἰκίασ συνέβη δύο σχεῖν βασιλέασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 11

(플루타르코스, Cleomenes, chapter 11)

상위

목록

SEARCH

MENU NAVIGATION