호흡부호 보기
강세부호 보기
장단부호 보기
작은 Iota 보기
모든 부호 보기
ναῦσ μὲν οὖν αἰτῶν καὶ στρατιὰν ἀπεῖπε· τοῦ μὲν βασιλέωσ οὐκ εἰσακούοντοσ, ἀλλ’ ἐν γυναιξὶ καὶ θιάσοισ καὶ κώμοισ συνέχοντοσ ἑαυτόν, ὁ δὲ τῶν ὅλων προεστηκὼσ καὶ προβουλεύων Σωσίβιοσ μένοντα μὲν τὸν Κλεομένη παρὰ γνώμην ἡγεῖτο δυσμεταχείριστον εἶναι καὶ φοβερόν, ἀφεθέντα δὲ τολμηρὸν, ἄνδρα καὶ μεγαλοπράγμονα καὶ τῆσ βασιλείασ νοσούσησ θεατὴν γεγενημένον.
οὐδὲ γὰρ αἱ δωρεαὶ κατεπράυνον αὐτόν, ἀλλ’ ὥσπερ τὸν Ἆπιν ἐν ἀφθόνοισ διαιτώμενον καὶ τρυφᾶν δοκοῦντα τοῦ κατὰ φύσιν βίου καὶ δρόμων ἀφέτων καὶ σκιρτήσεων ἵμεροσ ἔχει, καὶ δῆλόσ ἐστι δυσανασχετῶν τὴν ἐν ταῖσ χερσὶ τῶν ἱερέων διατριβήν, οὕτωσ ἐκεῖνον οὐδὲν ἤρεσκε τῶν μαλθακῶν, ἀλλὰ φθινύθεσκε φίλον κῆρ, ὥσπερ Ἀχιλλεύσ, αὖθι μένων, ποθέεσκε δ’ ἀυτήν τε πτόλεμόν τε.
호흡부호 보기
강세부호 보기
장단부호 보기
작은 Iota 보기
모든 부호 보기