호흡부호 보기
강세부호 보기
장단부호 보기
작은 Iota 보기
모든 부호 보기
ἦν μὲν οὖν καὶ ταῦτα λυπηρὰ τῷ Κλεομένει, μοχθηροτέρασ δὲ τὰσ περὶ τοῦ μέλλοντοσ ἐλπίδασ ἔσχεν ἐκ τοιαύτησ συντυχίασ. Πτολεμαῖοσ ὁ Χρυσέρμου φίλοσ ὢν τοῦ βασιλέωσ πάντα τὸν χρόνον ἐπιεικῶσ διείλεκτο τῷ Κλεομένει, καὶ συνήθειά τισ ὑπῆρχεν αὐτοῖσ καὶ παρρησία πρὸσ ἀλλήλουσ, οὗτοσ οὖν τότε, τοῦ Κλεομένουσ δεηθέντοσ ἐλθεῖν πρὸσ αὐτόν, ἦλθε μὲν καὶ διελέχθη μέτρια, τὸ ὕποπτον ἐξαιρῶν καὶ περὶ τοῦ βασιλέωσ ἀπολογούμενοσ· ἀπιὼν δὲ πάλιν ἐκ τῆσ οἰκίασ, καὶ μὴ προνοήσασ ἐξόπισθεν ἄχρι τῶν θυρῶν ἐπακολουθοῦντα τὸν Κλεομένη, πικρῶσ ἐπετίμησε τοῖσ φύλαξιν ὡσ δὴ μέγα θηρίον καὶ δυστήρητον ἀμελῶσ φυλάττουσι καὶ ῥᾳθύμωσ.
τούτων ὁ Κλεομένησ αὐτήκοοσ γενόμενοσ, καὶ πρὶν αἰσθέσθαι τὸν Πτολεμαῖον ἀναχωρήσασ ἔφρασε τοῖσ φίλοισ.
εὐθὺσ οὖν πάντεσ ἃσ πρότερον εἶχον ἐλπίδασ ἐκβαλόντεσ, πρὸσ ὀργὴν ἐβουλεύσαντο τοῦ Πτολεμαίου τὴν ἀδικίαν ἀμυνάμενοι καὶ τὴν ὕβριν ἀξίωσ τῆσ Σπάρτησ ἀποθανεῖν, καὶ μὴ περιμένειν ὥσπερ ἱερεῖα πιανθέντασ κατακοπῆναι· εἰ τὰσ πρὸσ Ἀντίγονον, ἄνδρα πολεμιστὴν καὶ δραστήριον, διαλύσεισ ὑπεριδὼν Κλεομένησ κάθηται μητραγύρτου βασιλέωσ σχολὴν ἀναμένων, ὅταν πρῶτον ἀπόθηται τὸ τύμπανον καὶ καταπαύσῃ τὸν θίασον, ἀποκτενοῦντοσ αὐτόν.
호흡부호 보기
강세부호 보기
장단부호 보기
작은 Iota 보기
모든 부호 보기