Plutarch, Cleomenes, chapter 22

(플루타르코스, Cleomenes, chapter 22)

οὕτω δ’ αὐτῷ πεπραχότι κατὰ τὴν στρατείαν καὶ ἀπαγαγόντι τὴν δύναμιν, ἑσπέρασ ἤδη περὶ Τεγέαν ἀφίκοντό τινεσ ἐκ Λακεδαίμονοσ οὐκ ἐλάττονα τῆσ ἐν χερσὶ δυστυχίαν ἀπαγγέλλοντεσ, τεθνάναι τὴν γυναῖκα, δι’ ἣν οὐδὲ ταῖσ πάνυ κατορθουμέναισ ἐκεῖνοσ ἐνεκαρτέρει στρατείαισ, ἀλλὰ συνεχῶσ κατέβαινεν εἰσ Σπάρτην, ἐρῶν τῆσ Ἀγιάτιδοσ καὶ περὶ πλείστου ποιούμενοσ ἐκείνην. ἐπλήγη μὲν οὖν καὶ ἤλγησεν, ὡσ εἰκὸσ ἦν νέον ἄνδρα καλλίστησ καὶ σωφρονεστάτησ ἀφῃρημένον γυναικόσ·

οὐ μὴν κατῄσχυνεν οὐδὲ προήκατο τῷ πάθει τὸ φρόνημα καὶ τὸ μέγεθοσ τῆσ ψυχῆσ, ἀλλὰ καὶ φωνὴν καὶ σχῆμα καὶ μορφὴν ἐν ᾧ πρότερον εἶχεν ἤθει διαφυλάττων τά τε προστάγματα τοῖσ ἡγεμόσιν ἐδίδου καὶ περὶ τῆσ ἀσφαλείασ τῶν Τεγεατῶν ἐφρόντιζεν. ἅμα δὲ ἡμέρᾳ κατέβαινεν εἰσ Λακεδαίμονα, καὶ μετὰ τῆσ μητρὸσ οἴκοι καὶ τῶν παίδων ἀπαλγήσασ τὸ πένθοσ εὐθὺσ ἦν ἐν τοῖσ περὶ τῶν ὅλων λογισμοῖσ.

ἐπεὶ δὲ Πτολεμαῖοσ ὁ τῆσ Αἰγύπτου βασιλεὺσ ἐπαγγελλόμενοσ αὐτῷ βοήθειαν ἠξίου λαβεῖν ὅμηρα τοὺσ παῖδασ καὶ τὴν μητέρα, χρόνον μὲν συχνὸν ᾐσχύνετο φράσαι τῇ μητρί, καὶ πολλάκισ εἰσελθὼν καὶ πρὸσ αὐτῷ γενόμενοσ τῷ λόγῳ κατεσιώπησεν, ὥστε κἀκείνην ὑπονοεῖν καὶ παρὰ τῶν φίλων αὐτοῦ διαπυνθάνεσθαι μή τι κατοκνεῖ βουλόμενοσ ἐντυχεῖν αὐτῇ. "ὃ πολλάκισ ὁρμήσασ λέγειν ἀπεδειλίασασ;

"οὐ θᾶττον ἡμᾶσ ἐνθέμενοσ εἰσ πλοῖον ἀποστελεῖσ, ὅπου ποτὲ τῇ Σπάρτῃ νομίζεισ τὸ σῶμα τοῦτο χρησιμώτατον ἔσεσθαι, πρὶν ὑπὸ γήρωσ αὐτοῦ καθήμενον διαλυθῆναι; πάντων οὖν ἑτοίμων γενομένων ἀφίκοντο μὲν εἰσ Ταίναρον πεζῇ καὶ προὔπεμψεν ἡ δύναμισ αὐτοὺσ ἐν τοῖσ ὅπλοισ·

"ὦ βασιλεῦ Λακεδαιμονίων, ὅπωσ, ἐπὰν ἔξω γενώμεθα, μηδεὶσ ἴδῃ δακρύοντασ ἡμᾶσ μηδὲ ἀνάξιόν τι τῆσ Σπάρτησ ποιοῦντασ.

"τοῦτο γὰρ ἐφ’ ἡμῖν μόνον αἱ τύχαι δέ, ὅπωσ ἂν ὁ δαίμων διδῷ, πάρεισι. ταῦτα δ’ εἰποῦσα καὶ καταστήσασα τὸ πρόσωπον, ἐπὶ τὴν ναῦν ἐχώρει τὸ παιδίον ἔχουσα, καὶ διὰ τάχουσ ἐκέλευσεν ἀπαίρειν τὸν κυβερνήτην. ἐπεὶ δὲ εἰσ Αἴγυπτον ἀφίκετο καὶ τὸν Πτολεμαῖον ἐπύθετο λόγουσ παρἈντιγόνου καὶ πρεσβείασ δεχόμενον, περὶ δὲ τοῦ Κλεομένουσ ἤκουσεν ὅτι, τῶν Ἀχαιῶν προκαλουμένων αὐτὸν εἰσ διαλύσεισ, φοβοῖτο δι’ ἐκείνην ἄνευ Πτολεμαίου καταθέσθαι τὸν πόλεμον, ἐπέστειλεν αὐτῷ τὰ τῇ Σπάρτῃ πρέποντα καὶ συμφέροντα πράττειν καὶ μὴ διὰ μίαν γραῦν καὶ παιδάριον ἀεὶ δεδιέναι Πτολεμαῖον.

αὕτη μὲν οὖν παρὰ τὰσ τύχασ τοιαύτη λέγεται γεγενῆσθαι.

일치하는 문장이 없습니다.

SEARCH

MENU NAVIGATION