Plutarch, Cleomenes, chapter 15

(플루타르코스, Cleomenes, chapter 15)

οὕτω δὲ συντετριμμένοισ τοῖσ Ἀχαιοῖσ ὁ μὲν Ἄρατοσ, εἰωθὼσ παρ’ ἐνιαυτὸν ἀεὶ στρατηγεῖν, ἀπείπατο τὴν ἀρχὴν καὶ παρῃτήσατο καλούντων καὶ δεομένων οὐ καλῶσ, οἱο͂ν ἐν χειμῶνι πραγμάτων μείζονι, μεθεὶσ ἑτέρῳ τὸν οἰάκα καὶ προέμενοσ τὴν ἐξουσίαν. ὁ δὲ Κλεομένησ πρῶτον μὲν μέτρια τοῖσ Ἀχαιοῖσ ἐδόκει πρέσβεσιν ἐπιτάττειν, ἑτέρουσ δὲ πέμπων ἐκέλευεν αὐτῷ παραδιδόναι τὴν ἡγεμονίαν, ὡσ τἆλλα μὴ διοισόμενοσ πρὸσ αὐτούσ, ἀλλὰ καὶ τοὺσ αἰχμαλώτουσ εὐθὺσ ἀποδώσων καὶ τὰ χωρία, βουλομένων δὲ τῶν Ἀχαιῶν ἐπὶ τούτοισ δέχεσθαι τὰσ διαλύσεισ καὶ τὸν Κλεομένη καλούντων εἰσ Λέρναν, ὅπου τὴν ἐκκλησίαν ἔμελλον ἔχειν, ἔτυχε τὸν Κλεομένη συντόνωσ ὁδεύσαντα καὶ χρησάμενον παρὰ καιρὸν ὑδροποσίᾳ αἵματοσ πλῆθοσ ἀνενεγκεῖν καὶ τὴν φωνὴν ἀποκοπῆναι. διὸ τῶν μὲν αἰχμαλώτων ἀπέπεμψε τοῖσ Ἀχαιοῖσ τοὺσ ἐπιφανεστάτουσ, τὸν δὲ σύλλογον ὑπερθέμενοσ ἀνεχώρησεν εἰσ Λακεδαίμονα.

일치하는 문장이 없습니다.

SEARCH

MENU NAVIGATION