헬라어 문장 검색 - Πλυταρ́Ξλεομεν́39́

(플루타르코스, Cleomenes, chapter 39)

ἡ μὲν οὖν Λακεδαίμων, ἐφαμίλλωσ ἀγωνισαμένη τῷ γυναικείῳ δράματι πρὸσ τὸ ἀνδρεῖον, ἐν τοῖσ ἐσχάτοισ καιροῖσ ἐπέδειξε τὴν ἀρετὴν ὑβρισθῆναι μὴ δυναμένην ὑπὸ τῆσ τύχησ, ὀλίγαισ δὲ ὕστερον ἡμέραισ οἱ τὸ σῶμα τοῦ Κλεομένουσ ἀνεσταυρωμένον παραφυλάττοντεσ εἶδον εὐμεγέθη δράκοντα τῇ κεφαλῇ περιπεπλεγμένον καὶ ἀποκρύπτοντα τὸ πρόσωπον, ὥστε μηδὲν ὄρνεον ἐφίπτασθαι σαρκοφάγον. ἐκ δὲ τούτου δεισιδαιμονία προσέπεσε τῷ βασιλεῖ καὶ φόβοσ, ἄλλων καθαρμῶν ταῖσ γυναιξὶν ἀρχὴν παρασχών, ὡσ ἀνδρὸσ ἀνῃρημένου θεοφιλοῦσ καὶ κρείττονοσ τὴν φύσιν.

οἱ δὲ Ἀλεξανδρεῖσ καὶ προσετρέποντο φοιτῶντεσ ἐπὶ τὸν τόπον, ἡρ́ωα τὸν Κλεομένη καὶ θεῶν παῖδα προσαγορεύοντεσ, ἄχρι οὗ κατέπαυσαν αὐτοὺσ οἱ σοφώτεροι, διδόντεσ λόγον ὡσ μελίττασ μὲν βόεσ, σφῆκασ δὲ ἵπποι κατασαπέντεσ ἐξανθοῦσι, κάνθαροι δὲ ὄνων τὸ αὐτὸ παθόντων ζῳογονοῦνται, τὰ δὲ ἀνθρώπινα σώματα, τῶν περὶ τὸν μυελὸν ἰχώρων συρροήν τινα καὶ σύστασιν ἐν ἑαυτοῖσ λαβόντων, ὄφεισ ἀναδίδωσι. καὶ τοῦτο κατιδόντεσ οἱ παλαιοὶ μάλιστα τῶν ζῴων τὸν δράκοντα τοῖσ ἡρ́ωσι συνῳκείωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cleomenes, chapter 39

(플루타르코스, Cleomenes, chapter 39)

상위

목록

SEARCH

MENU NAVIGATION