헬라어 문장 검색 - Πλυταρ́Αρατυσ́48́

(플루타르코스, Aratus, chapter 48)

καὶ τότε πρῶτον Ἀπελλοῦ καί Μεγαλέου καί τινων αὐλικῶν ἄλλων διαβαλλόντων τὸν Ἄρατον ἀναπεισθεὶσ ὁ βασιλεὺσ, καί συναρχαιρεσιάσασ τοῖσ ἀπὸ τῆσ ἐναντίασ στάσεωσ, ἐσπούδασε τοὺσ Ἀχαιοὺσ ἑλέσθαι στρατηγὸν Ἐπήρατον. ὡσ δ’ ἐκείνου μὲν καταφρονουμενου τελέωσ ὑπὸ τῶν Ἀχαιῶν, τοῦ δὲ Ἀράτου παραμελοῦντοσ ἐγίνετο τῶν χρησίμων οὐδέν, ἔγνω διαμαρτάνων τοῦ παντὸσ ὁ Φίλιπποσ, καί ἀνακρουσάμενοσ αὖθισ ἐπὶ τὸν Ἄρατον ὅλοσ ἦν ἐκεῖνον, καί τῶν πραγμάτων αὐτῷ πρόσ τε δύναμιν καί πρόσ εὐδοξίαν ἐπιδιδόντων ἐξήρτητο τοῦ ἀνδρόσ, ὡσ δι’ ἐκεῖνον εὐδοκιμῶν καί αὐξόμενοσ.

ἐδόκει τε πᾶσιν ὁ Ἄρατοσ οὐ μόνον δημοκρατίασ, ἀλλὰ καί βασιλείασ ἀγαθὸσ εἶναι παιδαγωγόσ·

ἡ γὰρ προαίρεσισ αὐτοῦ καί τὸ ἦθοσ ὡσ χρῶμα ταῖσ πράξεσι τοῦ βασιλέωσ ἐπεφαίνετο. καί γὰρ ἡ πρόσ Λακεδαιμονίουσ ἁμαρτόντασ μετριότησ τοῦ νεανίσκου καί ἡ πρόσ Κρῆτασ ὁμιλία, δι’ ἧσ ὅλην προσηγάγετο τὴν νῆσον ἡμέραισ ὀλίγαισ, ἥ τε πρόσ Αἰτωλοὺσ στρατεία γενομένη θαυμαστῶσ ἐνεργόσ εὐπειθείασ μὲν τῷ Φιλίππῳ δόξαν, εὐβουλίασ δὲ τῷ Ἀράτῳ προσετίθει, καί διὰ ταῦτα μᾶλλον οἱ βασιλικοὶ φθονοῦντεσ, ὡσ οὐδὲν ἐπέραινον κρύφα διαβάλλοντεσ, ἀναφανδὸν ἐλοιδοροῦντο καὶ προσέκρουον αὐτῷ παρὰ τοὺσ πότουσ μετὰ πολλῆσ ἀσελγείασ καί βωμολοχίασ· ἅπαξ δὲ καί λίθοισ βάλλοντεσ ἀπιόντα εἰσ τὴν σκηνὴν μετὰ τὸ δεῖπνον κατεδίωξαν.

ἐφ’ οἷσ ὁ Φίλιπποσ ὀργισθείσ εὐθὺσ μὲν αὐτοὺσ ἐζημίωσεν εἴκοσι ταλάντοισ, ὕστερον δὲ λυμαίνεσθαι τὰ πράγματα καὶ ταράττειν δοκοῦντασ ἀπέκτεινεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aratus, chapter 48

(플루타르코스, Aratus, chapter 48)

상위

목록

SEARCH

MENU NAVIGATION