Plutarch, Aratus, chapter 46

(플루타르코스, Aratus, chapter 46)

ἐκ τούτου Κλεομένησ μὲν ἡττηθεὶσ μάχῃ μεγάλῃ περὶ Σελλασίαν ἐξέλιπε τὴν Σπάρτην καὶ ἀπέπλευσεν εἰσ Αἴγυπτον, Ἀντίγονοσ δὲ πάντα τὰ δίκαια καὶ φιλάνθρωπα τῷ Ἀράτῳ πεποιηκὼσ ἀνέζευξεν εἰσ Μακεδονίαν, κἀκεῖ νοσῶν ἤδη τὸν διάδοχον τῆσ βασιλείασ Φίλιππον, οὔπω πάνυ μειράκιον ὄντα, πέμπων εἰσ Πελοπόννησον Ἀράτῳ μάλιστα προσέχειν ἐκέλευσε καὶ δι’ ἐκείνου ταῖσ πόλεσιν ἐντυχεῖν καὶ γνωρισθῆναι τοῖσ Ἀχαιοῖσ. καὶ μέντοι καὶ παραλαβὼν αὐτὸν ὁ Ἄρατοσ οὕτωσ διέθηκεν ὥστε πολλῆσ μὲν εὐνοίασ πρὸσ αὐτόν, πολλῆσ δὲ πρὸσ τὰσ Ἑλληνικὰσ πράξεισ φιλοτιμίασ καὶ ὁρμῆσ μεστὸν εἰσ Μακεδονίαν ἀποστεῖλαι.

일치하는 문장이 없습니다.

SEARCH

MENU NAVIGATION