Plutarch, Aratus, chapter 26

(플루타르코스, Aratus, chapter 26)

ἐκεῖνοσ γὰρ Ἀντίγονον μὲν ἔχων σύμμαχον, τρέφων δὲ πολλοὺσ ἕνεκα τῆσ τοῦ σώματοσ ἀσφαλείασ, οὐδένα δὲ ἐν τῇ πόλει ζῶντα τῶν ἐχθρῶν ὑπολελοιπώσ, τοὺσ μὲν δορυφόρουσ καὶ φύλακασ ἔξω παρεμβάλλειν ἐκέλευεν ἐν τῷ περιστύλῳ, τοὺσ δὲ οἰκέτασ, ὁπότε δειπνήσαι, τάχιστα πάντασ ἐξελαύνων καὶ τὴν μέταυλον ἀποκλείων μετὰ τῆσ ἐρωμένησ αὐτὸσ εἰσ οἴκημα κατεδύετο μικρὸν ὑπερῷον, θύρᾳ καταρρακτῇ κλειόμενον· ἧσ ὑπεράνω τὴν κλίνην ἐπιτιθεὶσ ἐκάθευδεν, ὡσ εἰκὸσ καθεύδειν τὸν οὕτωσ ἔχοντα, ταραχωδῶσ καὶ περιφόβωσ.

τὸ δὲ κλιμάκιον ἡ τῆσ ἐρωμένησ μήτηρ ὑφαιροῦσα κατέκλειεν εἰσ ἕτερον οἴκημα, καὶ πάλιν ἅμ’ ἡμέρᾳ προσετίθει καὶ κατεκάλει τὸν θαυμαστὸν τύραννον, ὥσπερ ἑρπετὸν ἐκ φωλεοῦ κατερχόμενον.

ὁ δὲ οὐχ ὅπλοισ κατὰ βίαν, νόμῳ δὲ ὑπ’ ἀρετῆσ ἀκατάπαυστον ἀρχὴν περιπεποιημένοσ, ἐν ἱματίῳ καὶ χλαμυδίῳ τῷ τυχόντι, τῶν πώποτε τυράννων κοινὸσ ἀποδεδειγμένοσ ἐχθρόσ, ἄχρι τῆσ τήμερον ἡμέρασ γένοσ εὐδοκιμώτατον ἀπολέλοιπεν ἐν τοῖσ Ἕλλησιν. ἐκείνων δὲ τῶν τὰσ ἄκρασ καταλαμβανόντων καὶ τοὺσ δορυφόρουσ τρεφόντων καὶ τὰ ὅπλα καὶ τὰσ πύλασ καὶ τοὺσ καταρράκτασ προβαλλομένων ὑπὲρ τῆσ τοῦ σώματοσ ἀσφαλείασ ὀλίγοι τὸν ἐκ πληγῆσ θάνατον, ὥσπερ οἱ λαγωοὶ, διέφυγον οἶκοσ δὲ ἢ γένοσ ἢ τάφοσ ἔχων τιμωμένην μνήμην οὐδενὸσ λέλειπται.

일치하는 문장이 없습니다.

SEARCH

MENU NAVIGATION