헬라어 문장 검색 - Πλυταρ́Αρατυσ́29́

(플루타르코스, Aratus, chapter 29)

ὀλίγῳ δὲ ὕστερον ἀκούσασ τὸν Ἀρίστιππον ἐπιβουλεύειν μὲν ταῖσ Κλεωναῖσ, φοβεῖσθαι δὲ ἐκεῖνον ἐν Κορίνθῳ καθεζόμενον, ἤθροισεν ἐκ παραγγέλματοσ στρατείαν. καὶ σιτία κελεύσασ πλειόνων ἡμερῶν κομίζειν εἰσ Κεγχρεὰσ κατῆλθεν, ἐκκαλούμενοσ δι’ ἀπάτησ τὸν Ἀρίστιππον ὡσ αὐτοῦ μὴ παρόντοσ ἐπιθέσθαι τοῖσ Κλεωναίοισ ὃ καὶ συνέβη, παρῆν γὰρ εὐθὺσ ἐξ Ἄργουσ ἔχων τὴν δύναμιν. ὁ δὲ Ἄρατοσ εἰσ Κόρινθον ἤδη σκοταῖοσ ἐκ Κεγχρεῶν ὑποστρέψασ, καὶ τὰσ ὁδοὺσ φυλακαῖσ διαλαβών, ἦγε τοὺσ Ἀχαιοὺσ ἑπομένουσ οὕτω μὲν εὐτάκτωσ, οὕτω δὲ ταχέωσ καὶ προθύμωσ ὥστε μὴ μόνον ὁδεύοντασ, ἀλλὰ καὶ παρελθόντασ εἰσ τὰσ Κλεωνὰσ ἔτι νυκτὸσ οὔσησ καὶ συνταξαμένουσ ἐπὶ μάχην ἀγνοεῖσθαι καὶ λανθάνειν τὸν Ἀρίστιππον.

ἅμα δὲ ἡμέρᾳ τῶν πυλῶν ἀνοιχθεισῶν καὶ τῆσ σάλπιγγοσ ἐγκελευσαμένησ, δρόμῳ καὶ ἀλαλαγμῷ προσπεσὼν τοῖσ πολεμίοισ εὐθὺσ ἐτρέψατο, καὶ κατεῖχε διώκων ᾗ μάλιστα φεύγειν ὑπενόει τὸν Ἀρίστιππον, ἐκτροπὰσ πολλὰσ τῶν χωρίων ἐχόντων.

γενομένησ δὲ τῆσ διώξεωσ ἄχρι Μυκηνῶν, ὁ μὲν τύραννοσ ὑπὸ Κρητόσ τινοσ, ὡσ Δεινίασ ἱστορεῖ, τοὔνομα Τραγίσκου, καταληφθεὶσ ἀποσφάττεται, τῶν δὲ ἄλλων ἔπεσον ὑπὲρ χιλίουσ πεντακοσίουσ.

ὁ δὲ Ἄρατοσ οὕτω λαμπρῶσ εὐτυχήσασ καὶ μηδένα τῶν αὐτοῦ στρατιωτῶν ἀποβαλών, ὅμωσ οὐκ ἔλαβε τὸ Ἄργοσ οὐδὲ ἠλευθέρωσε, τῶν περὶ Ἀγίαν καὶ τὸν νεώτερον Ἀριστόμαχον μετὰ δυνάμεωσ βασιλικῆσ παρεισπεσόντων καὶ κατασχόντων τὰ πράγματα. τὸ μὲν οὖν πολὺ τῆσ διαβολῆσ καὶ λόγουσ καὶ σκώμματα καὶ βωμολοχίασ παρείλετο τῶν κολακευόντων τοὺσ τυράννουσ καὶ διεξιόντων, ἐκείνοισ χαριζομένων, ὡσ τοῦ στρατηγοῦ τῶν Ἀχαιῶν ἐκταράττοιτο μὲν ἡ κοιλία παρὰ τὰσ μάχασ, κάροσ δὲ προσπίπτοι καὶ ἴλιγγοσ ἅμα τῷ παραστῆναι τὸν σαλπιγκτήν, ἐκτάξασ δὲ τὴν δύναμιν καὶ τὸ σύνθημα παρεγγυήσασ, καὶ πυθόμενοσ τῶν ὑποστρατήγων καὶ λοχαγῶν, μή τισ αὐτοῦ χρεία παρόντοσ βεβλῆσθαι γὰρ τοὺσ ἀστραγάλουσ, ἀπέρχοιτο καραδοκήσων πόρρωθεν τὸ συμβησόμενον.

ταῦτα γὰρ οὕτωσ ἴσχυσεν ὥστε καὶ τοὺσ φιλοσόφουσ ἐν ταῖσ σχολαῖσ ζητοῦντασ εἰ τὸ πάλλεσθαι τὴν καρδίαν καὶ τὸ χρῶμα τρέπεσθαι καὶ τὴν κοιλίαν ἐξυγραίνεσθαι παρὰ τὰ φαινόμενα δεινὰ δειλίασ ἐστὶν ἢ δυσκρασίασ τινὸσ περὶ τὸ σῶμα καὶ ψυχρότητοσ, ὀνομάζειν ἀεὶ τὸν Ἄρατον ὡσ ἀγαθὸν μὲν ὄντα στρατηγόν, ἀεὶ δὲ ταῦτα πάσχοντα παρὰ τοὺσ ἀγῶνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 29

(플루타르코스, Aratus, chapter 29)

상위

목록

SEARCH

MENU NAVIGATION