헬라어 문장 검색 - Πλυταρ́Αρατυσ́54́

(플루타르코스, Aratus, chapter 54)

ἀλλὰ γὰρ ὁ μὲν πρεσβύτεροσ Ἄρατοσ οὕτω βιῶσαι καὶ τοιοῦτοσ γενέσθαι τὴν φύσιν ἱστορεῖται· τὸν δὲ υἱὸν αὐτοῦ μιαρὸσ ὢν φύσει καὶ μετ’ ὠμότητοσ ὑβριστὴσ ὁ Φίλιπποσ οὐ θανασίμοισ, ἀλλὰ μανικοῖσ ἐξέστησε τοῦ λογισμοῦ φαρμάκοισ· καὶ παρέτρεψεν εἰσ δεινὰσ καὶ ἀλλοκότουσ ἐπιφοράσ, πράξεων ἀτόπων καὶ σὺν αἰσχύνῃ παθῶν ὀλεθρίων ὀρεγόμενον, ὥστε τὸν θάνατον αὐτῷ, καίπερ ὄντι νέῳ καὶ ἀνθοῦντι, μὴ συμφοράν, ἀλλ’ ἀπόλυσιν κακῶν καὶ σωτηρίαν γενέσθαι, δίκασ γε μὴν ὁ Φίλιπποσ οὐ μεμπτὰσ Διὶ ξενίῳ καὶ φιλίῳ τῆσ ἀνοσιουργίασ ταύτησ τίνων διετέλεσε, καταπολεμηθεὶσ μὲν γὰρ ὑπὸ Ῥωμαίων ἐπέτρεψεν ἐκείνοισ τὰ καθ’ αὑτόν, ἐκπεσὼν δὲ τῆσ ἄλλησ ἀρχῆσ καὶ τὰσ ναῦσ; πλὴν πέντε πάσασ προέμενοσ καὶ χίλια προσεκτίσειν ὁμολογήσασ τάλαντα καὶ τὸν υἱὸν ὁμηρεύσοντα παραδούσ δι’ οἶκτον ἔτυχε Μακεδονίασ καὶ τῶν συντελούντων.

ἀποκτείνων δὲ ἀεὶ τοὺσ ἀρίστουσ καὶ συγγενεστάτουσ φρίκησ ἐνέπλησε καὶ μίσουσ ὅλην τὴν βασιλείαν πρὸσ αὑτόν, ἔν δὲ μόνον ἐν τοσούτοισ κακοῖσ εὐτύχημα κτησάμενοσ, υἱὸν ἀρετῇ διαφέροντα, τοῦτον φθόνῳ καὶ ζηλοτυπίᾳ τῆσ παρὰ Ῥωμαίοισ τιμῆσ ἀνεῖλε, Περσεῖ δὲ θατέρῳ τὴν ἀρχὴν παρέδωκεν, ὅν οὐ γνήσιον, ἀλλ’ ὑπόβλητον εἶναί φασιν, ἐκ Γναθαινίου τινὸσ ἀκεστρίασ γενόμενον. τοῦτον Αἰμίλιοσ ἐθριάμβευσε καὶ κατέστρεψεν ἐνταῦθα τῆσ Ἀντιγονικῆσ βασιλείασ ἡ διαδοχή, τὸ δὲ Ἀράτου γένοσ ἐν τῇ Σικυῶνι καὶ τῇ Πελλήνῃ διέμεινε καθ’ ἡμᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 54

(플루타르코스, Aratus, chapter 54)

상위

목록

SEARCH

MENU NAVIGATION