호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δὲ ἀσφαλῶσ ἐδόκει πάντα ἔχειν, κατέβαινεν εἰσ τὸ θέατρον ἀπὸ τῆσ ἄκρασ, πλήθουσ ἀπείρου συρρέοντοσ ἐπιθυμίᾳ τῆσ τε ὄψεωσ αὐτοῦ καὶ τῶν λόγων οἷσ ἔμελλε χρῆσθαι πρὸσ τοὺσ Κορινθίουσ. τῶν δὲ ἀνθρώπων ἅμα τῷ προσελθεῖν αὐτὸν ἐκχυθέντων ταῖσ φιλοφροσύναισ, μεταλαβὼν εἰσ τὴν δεξιὰν τὸ δόρυ, καὶ τὸ γόνυ καὶ τὸ σῶμα τῇ ῥοπῇ μικρὸν ἐγκλίνασ καὶ ἀπερεισάμενοσ, εἱστήκει πολὺν χρόνον σιωπῇ δεχόμενοσ αὐτῶν τοὺσ κρότουσ καὶ τὰσ ἐπιβοήσεισ, ἐπαινούντων μὲν τὴν ἀρετήν, ζηλούντων δὲ τὴν τύχην.
ὡσ δὲ ἐπαύσαντο καὶ κατέστησαν, συναγαγὼν ἑαυτὸν διεξῆλθε λόγον ὑπὲρ τῶν ’ Ἀχαιῶν τῇ πράξει πρέποντα, καὶ συνέπεισε τοὺσ Κορινθίουσ Ἀχαιοὺσ γενέσθαι, καὶ τῶν πυλῶν τὰσ κλεῖσ ἀπέδωκε τότε πρῶτον ἀπὸ τῶν Φιλιππικῶν καιρῶν ὑπ’ ἐκείνοισ γενομένασ·
τῶν δὲ Ἀντιγόνου στρατηγῶν Ἀρχέλαον μὲν ἀφῆκεν ὑποχείριον γενόμενον, Θεόφραστον δὲ ἀνεῖλεν οὐ βουλόμενον ἀπαλλάττεσθαι· Περσαῖοσ δὲ τῆσ ἄκρασ ἁλισκομένησ εἰσ Κεγχρεὰσ διεξέπεσεν.
"τοῦτο μάλιστα κἀμοί ποτε τῶν Ζήνωνοσ ἤρεσκε δογμάτων νῦν δὲ μεταβάλλομαι νουθετηθεὶσ ὑπὸ τοῦ Σικυωνίου νεανίου. ταῦτα μὲν περὶ Περσαίου πλείονεσ ἱστοροῦσιν.
호흡부호 보기
강세부호 보기
장단부호 보기
작은 Iota 보기
모든 부호 보기