Plutarch, Aratus, chapter 35

(플루타르코스, Aratus, chapter 35)

ὁ δὲ Ἄρατοσ ἐξεργαζόμενοσ τὴν παλαιὰν ὑπόθεσιν, καὶ δυσανασχετῶν τὴν ἐν Ἄργει τυραννίδα γειτνιῶσαν αὐτοῖσ, ἔπειθε πέμπων τὸν Ἀριστόμαχον εἰσ μέσον θεῖναι καὶ προσαγαγεῖν τοῖσ Ἀχαιοῖσ τὴν πόλιν, καὶ ζηλώσαντα Λυδιάδην ἔθνουσ τηλικούτου μετ’ εὐφημίασ καὶ τιμῆσ στρατηγὸν εἶναι μᾶλλον ἢ μιᾶσ πόλεωσ κινδυνεύοντα καὶ μισούμενον τύραννον. ὑπακούσαντοσ δὲ τοῦ Ἀριστομάχου καὶ κελεύσαντοσ αὐτῷ πεντήκοντα τάλαντα πέμψαι τὸν Ἄρατον, ὅπωσ ἀπαλλάξῃ καὶ διαλύσηται τοὺσ παρ’ αὐτῷ στρατευομένουσ, καὶ τῶν χρημάτων ποριζομένων, ὁ Λυδιάδησ ἔτι στρατηγῶν καὶ φιλοτιμούμενοσ ἴδιον αὐτοῦ πολίτευμα τοῦτο πρὸσ τοὺσ Ἀχαιοὺσ γενέσθαι, τοῦ μὲν Ἀράτου κατηγόρει πρὸσ Ἀριστόμαχον ὡσ δυσμενῶσ καὶ ἀδιαλλάκτωσ ἀεὶ πρὸσ τοὺσ τυράννουσ ἔχοντοσ, αὐτῷ δὲ πείσασ τὴν πρᾶξιν ἐπιτρέψαι προσήγαγε τοῖσ Ἀχαιοῖσ τὸν ἄνθρωπον.

ἔνθα δὴ μάλιστα φανερὰν ἐποίησαν οἱ σύνεδροι τῶν Ἀχαιῶν τὴν πρὸσ τὸν Ἄρατον εὔνοιαν καὶ πίστιν.

ἀντειπόντοσ μὲν γὰρ αὐτοῦ δι’ ὀργήν ἀπήλασαν τοὺσ περὶ τὸν Ἀριστόμαχον ἐπεὶ δὲ συμπεισθεὶσ πάλιν αὐτὸσ ἤρξατο περὶ αὐτῶν διαλέγεσθαι παρὼν, πάντα ταχέωσ καὶ προθύμωσ ἐψηφίσαντο, καὶ προσεδέξαντο μὲν τοὺσ Ἀργείουσ καὶ Φλιασίουσ εἰσ τὴν πολιτείαν, ἐνιαυτῷ δὲ ὕστερον καὶ τὸν Ἀριστόμαχον εἵλοντο στρατηγόν. ὁ δὲ εὐημερῶν παρὰ τοῖσ Ἀχαιοῖσ καὶ βουλόμενοσ εἰσ τὴν Λακωνικὴν ἐμβαλεῖν ἐκάλει τὸν Ἄρατον ἐξ Ἀθηνῶν, ὁ δὲ ἔγραφε μὲν αὐτῷ τὴν στρατείαν ἀπαγορεύων καὶ τῷ Κλεομένει θράσοσ ἔχοντι καὶ παραβόλωσ αὐξανομένῳ συμπλέκεσθαι τοὺσ Ἀχαιοὺσ μὴ βουλόμενοσ, ὡρμημένου δὲ πάντωσ ὑπήκουσε καὶ παρὼν συνεστράτευεν.

ὅτε δὴ καὶ κωλύσασ περὶ τὸ Παλλάντιον τοῦ Κλεομένουσ ἐπιφανέντοσ αὐτοῖσ μάχην συνάψαι τὸν Ἀριστόμαχον ὑπὸ Λυδιάδου κατηγορήθη, καὶ περὶ τῆσ στρατηγίασ εἰσ ἀγῶνα καὶ ἀντιπαραγγελίαν αὐτῷ καταστάσ ἐκράτησε τῇ χειροτονίᾳ καὶ τὸ δωδέκατον ᾑρέθη στρατηγόσ.

일치하는 문장이 없습니다.

SEARCH

MENU NAVIGATION