헬라어 문장 검색 - Πλυταρ́Αρατυσ́24́

(플루타르코스, Aratus, chapter 24)

ὁ δὲ Ἄρατοσ εὐθὺσ τό τε Ἡραῖον ὑφ’ ἑαυτῷ καὶ τὸ Λέχαιον ἐποιήσατο· καὶ νεῶν μὲν εἰκοσιπέντε βασιλικῶν ἐκυρίευσεν, ἵππουσ δὲ πεντακοσίουσ καὶ Σύρουσ τετρακοσίουσ ἀπέδοτο τόν τε Ἀκροκόρινθον ἐφύλαττον οἱ Ἀχαιοὶ τετρακοσίοισ ὁπλίταισ καὶ πεντήκοντα κυσὶ καὶ κυνηγοῖσ ἴσοισ ἐν τῷ φρουρίῳ τρεφομένοισ. οἱ μὲν οὖν Ῥωμαῖοι τὸν Φιλοποίμενα θαυμάζοντεσ Ἑλλήνων ἔσχατον προσηγόρευον, ὡσ μηδενὸσ μεγάλου μετ’ ἐκεῖνον ἐν τοῖσ Ἕλλησι γενομένου·

ἐγὼ δὲ τῶν Ἑλληνικῶν πράξεων ταύτην ἐσχάτην καὶ νεωτάτην φαίην ἂν πεπρᾶχθαι, τοῦτο μὲν τόλμῃ, τοῦτο δὲ τύχῃ ταῖσ ἀρίσταισ ἐνάμιλλον, ὡσ ἐδήλωσεν εὐθὺσ τὰ γινόμενα. Μεγαρεῖσ τε γὰρ ἀποστάντεσ Ἀντιγόνου τῷ Ἀράτῳ προσέθεντο, καὶ Τροιζήνιοι μετὰ Ἐπιδαυρίων συνετάχθησαν εἰσ τοὺσ Ἀχαιούσ, ἐξοδόν τε πρώτην θέμενοσ εἰσ τὴν Ἀττικὴν ἐνέβαλε, καὶ τὴν Σαλαμῖνα διαβὰσ ἐλεηλάτησεν, ὥσπερ ἐξ εἱρκτῆσ λελυμένῃ τῇ δυνάμει τῶν Ἀχαιῶν ἐφ’ ὅ τι βούλοιτο χρώμενοσ.

Ἀθηναίοισ δὲ τοὺσ ἐλευθέρουσ ἀφῆκεν ἄνευ λύτρων, ἀρχὰσ ἀποστάσεωσ ἐνδιδοὺσ αὐτοῖσ. Πτολεμαῖον δὲ σύμμαχον ἐποίησε τῶν Ἀχαιῶν, ἡγεμονίαν ἔχοντα πολέμου καὶ κατὰ γῆν καὶ θάλατταν.

οὕτω δὲ ἴσχυσεν ἐν τοῖσ Ἀχαιοῖσ, ὥστ’, εἰ μὴ κατ’ ἐνιαυτὸν ἐξῆν, παρ’ ἐνιαυτὸν αἱρεῖσθαι στρατηγὸν αὐτόν, ἔργῳ δὲ καὶ γνώμῃ διὰ παντὸσ ἄρχειν. ἑώρων γὰρ αὐτὸν οὐ πλοῦτον, οὐ δόξαν, οὐ φιλίαν βασιλικήν, οὐ τὸ τῆσ αὑτοῦ πατρίδοσ συμφέρον, οὐκ ἄλλο τι τῆσ αὐξήσεωσ τῶν Ἀχαιῶν ἐπίπροσθεν ποιούμενον. ἡγεῖτο γὰρ ἀσθενεῖσ ἰδίᾳ τὰσ πόλεισ ὑπαρχούσασ σῴζεσθαι δι’ ἀλλήλων ὥσπερ ἐνδεδεμένασ τῷ κοινῷ συμφέροντι, καὶ καθάπερ τὰ μέρη τοῦ σώματοσ ζῶντα καὶ συμπνέοντα διὰ τὴν πρὸσ ἄλληλα συμφυϊάν, ὅταν ἀποσπασθῇ καὶ γένηται χωρίσ, ἀτροφεῖ καὶ σήπεται, παραπλησίωσ τὰσ πόλεισ ἀπόλλυσθαι μὲν ὑπὸ τῶν διασπώντων τὸ κοινόν, αὔξεσθαι δὲ ὑπ’ ἀλλήλων, ὅταν ὅλου τινὸσ μεγάλου μέρη γενόμεναι κοινῆσ προνοίασ τυγχάνωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 24

(플루타르코스, Aratus, chapter 24)

상위

목록

SEARCH

MENU NAVIGATION