호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ δ’ οὖν τὸν Ἀρίστιππον ὁ Ἄρατοσ καὶ κρύφα πολλάκισ καὶ φανερῶσ προσέπταισεν ἐπιχειρήσασ καταλαμβάνειν τὸ Ἄργοσ, ἅπαξ δὲ κλίμακασ προσθεὶσ μετ’ ὀλίγων ἐπὶ τὸ τεῖχοσ ἀνέβη παραβόλωσ, καὶ τοὺσ βοηθοῦντασ ἐνταῦθα τῶν φυλάκων ἀπέκτεινεν. εἶτα ἡμέρασ ἐπιφανείσησ καὶ τοῦ τυράννου πανταχόθεν αὐτῷ προσβάλλοντοσ, οἱ μὲν Ἀργεῖοι, καθάπερ οὐχ ὑπὲρ τῆσ ἐκείνων ἐλευθερίασ τῆσ μάχησ οὔσησ, ἀλλ’ ὡσ τὸν ἀγῶνα τῶν Νεμείων βραβεύοντεσ, ἴσοι καὶ δίκαιοι θεαταὶ καθῆντο τῶν γινομένων, πολλὴν ἡσυχίαν ἄγοντεσ, ὁ δὲ Ἄρατοσ εὐρώστωσ ἀμυνόμενοσ λόγχῃ μὲν ἐκ χειρὸσ διελαύνεται τὸν μηρόν, ἐκράτησε δὲ τῶν τόπων ἐν οἷσ ἦν, καὶ οὐκ ἐξεώσθη μέχρι νυκτὸσ ἐνοχλούμενοσ ὑπὸ τῶν πολεμίων.
εἰ δὲ καὶ τὴν νύκτα τῷ πόνῳ προσεταλαιπώρησεν, οὐκ ἂν διήμαρτεν ὁ γὰρ τύραννοσ ἤδη περὶ δρασμὸν εἶχε καὶ πολλὰ τῶν ἰδίων ἐπὶ θάλασσαν προεξέπεμψε νῦν δὲ τοῦτο μὲν οὐδενὸσ ἐξαγγείλαντοσ πρὸσ τὸν Ἄρατον, ὕδατοσ δὲ ἐπιλιπόντοσ, ἑαυτῷ δὲ χρήσασθαι διὰ τὸ τραῦμα μὴ δυνάμενοσ, ἀπήγαγε τοὺσ στρατιώτασ.
호흡부호 보기
강세부호 보기
장단부호 보기
작은 Iota 보기
모든 부호 보기