헬라어 문장 검색 - Πλυταρ́Αρατυσ́41́

(플루타르코스, Aratus, chapter 41)

τῷ δὲ Ἀράτῳ συνῆλθον εἰσ Σικυῶνα τῶν Ἀχαιῶν οὐ πολλοί· καὶ γενομένησ ἐκκλησίασ ᾑρέθη στρατηγὸσ αὐτοκράτωρ, καὶ περιεστήσατο φρουρὰν ἐκ τῶν ἑαυτοῦ πολιτῶν, τριάκοντα μὲν ἔτη καὶ τρία πεπολιτευμένοσ ἐν τοῖσ Ἀχαιοῖσ, πεπρωτευκὼσ δὲ καὶ δυνάμει καὶ δόξῃ τῶν Ἑλλήνων, τότε δὲ ἔρημοσ καὶ ἄποροσ συντετριμμένοσ, ὥσπερ ἐπὶ ναυαγίου τῆσ πατρίδοσ ἐν τοσούτῳ σάλῳ καὶ κινδύνῳ διαφερόμενοσ. καὶ γὰρ Αἰτωλοὶ δεομένου βοηθεῖν ἀπείπαντο, καὶ τὴν Ἀθηναίων πόλιν χάριτι τοῦ Ἀράτου πρόθυμον οὖσαν οἱ περὶ Εὐρυκλείδην καὶ Μικίωνα διεκώλυσαν.

ὄντων δὲ τῷ Ἀράτῳ καὶ χρημάτων ἐν Κορίνθῳ καὶ οἰκίασ, ὁ Κλεομένησ ἥψατο μὲν οὐδενόσ οὐδὲ ἄλλον εἰάσε, μεταπεμψάμενοσ δὲ τοὺσ φίλουσ αὐτοῦ καὶ τοὺσ διοικητάσ ἐκέλευε πάντα διοικεῖν καὶ φυλάσσειν ὡσ Ἀράτῳ λόγον ὑφέξοντασ· ἰδίᾳ δὲ πρὸσ αὐτὸν ἔπεμψε Τρίπυλον καὶ πάλιν Μεγιστόνουν τὸν πατρῳόν ὑπισχνούμενοσ ἄλλα τε πολλὰ καὶ δώδεκα τάλαντα σύνταξιν ἐνιαύσιον, ὑπερβαλλόμενοσ τῷ ἡμίσει Πτολεμαῖον ἐκεῖνοσ γὰρ ἓξ τάλαντα τῷ Ἀράτῳ κατ’ ἐνιαυτὸν ἀπέστελλεν.

ἠξίου δὲ τῶν Ἀχαιῶν ἡγεμὼν ἀναγορευθῆναι καὶ κοινῇ μετ’ αὐτῶν φυλάσσειν τὸν Ἀκροκόρινθον. τοῦ δὲ Ἀράτου φήσαντοσ ὡσ οὐκ ἔχοι τὰ πράγματα, μᾶλλον δὲ ὑπ’ αὐτῶν ἔχοιτο, καὶ κατειρωνεύσασθαι δόξαντοσ, ἐμβαλὼν εὐθὺσ τὴν Σικυωνίαν ἐπόρθει καὶ κατέφθειρε καὶ προσεκάθητο τῇ πόλει τρεῖσ μῆνασ, ἐγκαρτεροῦντοσ τοῦ Ἀράτου καὶ διαποροῦντοσ εἰ δέξεται τὸν Ἀντίγονον ἐπὶ τῷ παραδοῦναι τὸν Ἀκροκόρινθον·

ἄλλωσ γὰρ οὐκ ἐβούλετο βοηθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 41

(플루타르코스, Aratus, chapter 41)

상위

목록

SEARCH

MENU NAVIGATION