헬라어 문장 검색 - Πλυταρ́Αρατυσ́22́

(플루타르코스, Aratus, chapter 22)

ἐν τούτῳ δὲ ὁ μὲν Ἄρατοσ ἐμφὺσ τῇ πορείᾳ παρὰ τὸ κρημνῶδεσ ἡμιλλᾶτο, βραδέωσ καὶ ταλαιπώρωσ τὸ πρῶτον, οὐ κατακρατῶν, ἀλλ’ ἀποπλανώμενοσ τοῦ τρίβου παντάπασιν ἐνδεδυκότοσ καὶ πεοισκιαζομένου ταῖσ τραχύτησι καὶ διὰ πολλῶν ἑλιγμῶν καὶ παραβολῶν περαίνοντοσ πρὸσ τὸ τεῖχοσ, εἶτα θαυμάσιον οἱο͂ν ἡ σελήνη λέγεται διαστέλλουσα τὰ νέφη καὶ ὑπολαμποῦσα, τῆσ ὁδοῦ τὸ χαλεπώτατον σαφηνίζειν, ἑώσ ἥψατο τοῦ τείχουσ καθ’ ὃν ἔδει τόπον· ἐκεῖ δὲ πάλιν συνεσκίασε καὶ ἀπέκρυψε νεφῶν συνελθόντων. οἱ δὲ περὶ τὰσ πύλασ ἔξω περὶ τὸ Ἡραῖον ἀπολειφθέντεσ τοῦ Ἀράτου στρατιῶται, τριακόσιοι τὸ πλῆθοσ ὄντεσ, ὥσ ποτε παρεισέπεσον εἰσ τὴν πόλιν θορύβου τε παντοδαποῦ καὶ φώτων γέμουσαν, οὐ δυνηθέντεσ ἐξανευρεῖν τὸν αὐτὸν τρίβον οὐδ’ εἰσ ἴχνοσ ἐμβῆναι τῆσ ἐκείνων πορείασ, ἔπτηξαν ἀθρόοι πρόσ τινι παλινσκίῳ λαγόνι τοῦ κρημνοῦ συστείλαντεσ ἑαυτούσ, καὶ διεκαρτέρουν ἐνταῦθα περιπαθοῦντεσ καὶ δυσανασχετοῦντεσ.

βαλλομένων γὰρ ἀπὸ τῆσ ἄκρασ ἤδη τῶν περὶ τὸν Ἄρατον καὶ μαχομένων, ἀλαλαγμὸσ ἐναγώνιοσ ἐχώρει κάτω, καὶ κραυγὴ περιήχει, διὰ τὴν ἀπὸ τῶν ὀρῶν ἀνάκλασιν συγκεχυμένη καὶ ἄδηλοσ ὅθεν εἴληφε τὴν ἀρχήν, διαπορούντων δὲ αὐτῶν ἐφ’ ὅ τι χρὴ τραπέσθαι μέροσ, Ἀρχέλαοσ ὁ τῶν βασιλικῶν ἡγεμὼν στρατιώτασ ἔχων πολλοὺσ μετὰ κραυγῆσ ἀνέβαινε καὶ σαλπίγγων, ἐπιφερόμενοσ τοῖσ περὶ τὸν Ἄρατον, καὶ παρήλλαττε τοὺσ τριακοσίουσ, οἱ δὲ ὥσπερ ἐξ ἐνέδρασ ἀναστάντεσ ἐμβάλλουσιν αὐτῷ καὶ διαφθείρουσιν οἷσ ἐπέθεντο πρώτοισ, τοὺσ δὲ ἄλλουσ καὶ τὸν Ἀρχέλαον φοβήσαντεσ ἐτρέψαντο καὶ κατεδίωξαν ἄχρι τοῦ σκεδασθῆναι περὶ τὴν πόλιν διαλυθέντασ.

ἄρτι δὲ τούτων νενικηκότων Ἐργῖνοσ ἀπὸ τῶν ἄνω μαχομένων ἦλθεν, ἀγγέλλων συμπεπλέχθαι τοῖσ πολεμίοισ τὸν Ἄρατον ἀμυνομένοισ εὐρώστωσ, καὶ μέγαν ἀγῶνα περὶ αὐτὸ τὸ τεῖχοσ εἶναι, καὶ τάχουσ δεῖν τῆσ βοηθείασ, οἱ δὲ εὐθὺσ ἐκέλευον ἡγεῖσθαι·

καὶ προσβαίνοντεσ ἅμα φωνῇ διεσήμαινον ἑαυτούσ, ἐπιθαρρύνοντεσ τοὺσ φίλουσ·

τέλοσ δὲ συνερείσαντεσ ἐξωθοῦσι τοὺσ πολεμίουσ καὶ καθυπέρτεροι τῆσ ἄκρασ ἦσαν καὶ τὸ φρούριον εἶχον, ἡμέρασ ἤδη διαυγούσησ, ὅ τε ἥλιοσ εὐθὺσ ἐπέλαμπε τῷ ἔργῳ, καὶ παρῆν ἐκ Σικυῶνοσ ἡ λοιπὴ δύναμισ τῷ Ἀράτῳ, δεχομένων κατὰ πύλασ τῶν Κορινθίων προθύμωσ καὶ τοὺσ βασιλικοὺσ συλλαμβανόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 22

(플루타르코스, Aratus, chapter 22)

상위

목록

SEARCH

MENU NAVIGATION