헬라어 문장 검색 - Πλυταρ́Αρατυσ́28́

(플루타르코스, Aratus, chapter 28)

ἐπεὶ δὲ ταύτην ἀπέγνω τὴν ὁδόν, ἐμβαλὼν φανερῶσ τῷ στρατοπέδῳ τὴν Ἀργολίδα χώραν ἐπόρθει καὶ περὶ τὸν Χάρητα ποταμὸν ἰσχυρᾶσ μάχησ γενομένησ πρὸσ Ἀρίστιππον· αἰτίαν ἔσχεν ὡσ ἐγκαταλιπὼν τὸν ἀγῶνα καὶ προέμενοσ τὸ νίκημα · τῆσ γὰρ ἄλλησ δυνάμεωσ ὁμολογουμένωσ ἐπικρατούσησ καὶ τῷ διωγμῷ πολὺ προελθούσησ εἰσ τοὔμπροσθεν, αὐτὸσ οὐχ οὕτωσ ἐκβιασθεὶσ ὑπὸ τῶν καθ’ αὑτόν, ὡσ ἀπιστῶν τῷ κατορθώματι καὶ φοβηθείσ, ἀνεχώρησε τεταραγμένοσ εἰσ τὸ στρατόπεδον. ἐπεὶ δὲ ἀπὸ τῆσ διώξεωσ ἐπανελθόντεσ οἱ λοιποὶ χαλεπῶσ ἔφερον ὅτι τρεψάμενοι τοὺσ πολεμίουσ καὶ πολὺ πλείονασ ἐκείνων καταβαλόντεσ ἢ σφῶν αὐτῶν ἀπολέσαντεσ παραλελοίπασι τοῖσ ἡττημένοισ στῆσαι κατ’ αὐτῶν τρόπαιον, αἰσχυνθεὶσ πάλιν ἔγνω διαμάχεσθαι περὶ τοῦ τροπαίου, καὶ μίαν ἡμέραν διαλιπὼν αὖθισ ἐξέτασσε τὴν στρατιάν.

ὡσ δὲ ᾔσθετο πλείονασ γεγονότασ καὶ θαρραλεώτερον ἀνθισταμένουσ τοὺσ περὶ τὸν τύραννον, οὐκ ἐτόλμησεν, ἀλλ’ ἀπῆλθε τοὺσ νεκροὺσ ὑποσπόνδουσ ἀνελόμενοσ.

οὐ μὴν ἀλλὰ τῇ περὶ τὴν ὁμιλίαν καὶ πολιτείαν ἐμπειρίᾳ καὶ χάριτι τὴν διαμαρτίαν ταύτην ἀναμαχόμενοσ προσηγάγετο τὰσ Κλεωνὰσ τοῖσ Ἀχαιοῖσ, καὶ τὸν ἀγῶνα τῶν Νεμείων ἤγαγεν ἐν Κλεωναῖσ, ὡσ πάτριον ὄντα καὶ μᾶλλον προσήκοντα τούτοισ, ἤγαγον δὲ καὶ Ἀργεῖοι, καὶ συνεχύθη τότε πρῶτον ἡ δεδομένη τοῖσ ἀγωνισταῖσ ἀσυλία καὶ ἀσφάλεια, πάντασ τῶν Ἀχαιῶν, ὅσουσ ἔλαβον ἠγωνισμένουσ ἐν Ἄργει, διὰ τῆσ χώρασ πορευομένουσ ὡσ πολεμίουσ ἀποδομένων. οὕτω σφοδρὸσ ἦν καὶ ἀπαραίτητοσ ἐν τῷ μισεῖν τοὺσ τυράννουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 28

(플루타르코스, Aratus, chapter 28)

상위

목록

SEARCH

MENU NAVIGATION