헬라어 문장 검색 - Πλυταρ́Αρατυσ́33́

(플루타르코스, Aratus, chapter 33)

οὐ μὴν ἀλλὰ πολλῶν ἐθνῶν καὶ δυναστῶν ἐπὶ τοὺσ Ἀχαιοὺσ συνισταμένων εὐθὺσ ὁ Ἄρατοσ ἔπραττε φιλίαν πρὸσ τοὺσ Αἰτωλούσ, καὶ Πανταλέοντι τῷ πλεῖστον Αἰτωλῶν δυναμένῳ συνεργῷ χρησάμενοσ οὐ μόνον εἰρήνην, ἀλλὰ καὶ συμμαχίαν τοῖσ Ἀχαιοῖσ πρὸσ τοὺσ Αἰτωλοὺσ ἐποίησε. τοὺσ δὲ Ἀθηναίουσ σπουδάζων ἐλευθερῶσαι διεβλήθη καὶ κακῶσ ἤκουσεν ὑπὸ τῶν Ἀχαιῶν, ὅτι σπονδὰσ πεποιημένων αὐτῶν πρὸσ τοὺσ Μακεδόνασ καὶ ἀνοχὰσ ἀγόντων ἐπεχείρησε τὸν Πειραιᾶ καταλαβεῖν.

αὐτὸσ δὲ ἀρνούμενοσ ἐν τοῖσ ὑπομνήμασιν οἷσ ἀπολέλοιπεν Ἐργῖνον αἰτιᾶται, μεθ’ οὗ τὰ περὶ τὸν Ἀκροκόρινθον ἔπραξεν. ἐκεῖνον γὰρ ἰδίᾳ τῷ Πειραιεῖ προσβαλόντα καὶ τῆσ κλίμακοσ συντριβείσησ διωκόμενον ὀνομάζειν καὶ καλεῖν συνεχῶσ Ἄρατον ὥσπερ παρόντα, καὶ διαφυγεῖν οὕτωσ ἐξαπατήσαντα τοὺσ πολεμίουσ.

οὐ μὴν δοκεῖ πιθανῶσ ἀπολογεῖσθαι· τὸν γὰρ Ἐργῖνον, ἄνθρωπον ἰδιώτην καὶ Σύρον, ἀπ’ οὐδενὸσ ἦν εἰκότοσ ἐπὶ νοῦν βαλέσθαι τὴν τηλικαύτην πρᾶξιν, εἰ μὴ τὸν Ἄρατον εἶχεν ἡγεμόνα καὶ παρ’ ἐκείνου τὴν δύναμιν καὶ τὸν καιρὸν εἰλήφει πρὸσ τὴν ἐπίθεσιν. ἐδήλωσε δὲ καὶ αὐτὸσ ὁ Ἄρατοσ οὐ δὶσ οὐδὲ τρίσ, ἀλλὰ πολλάκισ, ὥσπερ οἱ δυσέρωτεσ, ἐπιχειρήσασ τῷ Πειραιεῖ καὶ πρὸσ τὰσ διαμαρτίασ οὐκ ἀποκαμών, ἀλλὰ τῷ παρὰ μικρὸν ἀεὶ καὶ σύνεγγυσ ἀποσφάλλεσθαι τῶν ἐλπίδων πρὸσ τὸ θαρρεῖν ἀνακαλούμενοσ, ἅπαξ δὲ καὶ τὸ σκέλοσ ἔσπασε διὰ τοῦ Θριασίου φεύγων καὶ τομὰσ ἔλαβε πολλὰσ θεραπευόμενοσ, καὶ πολὺν χρόνον ἐν φορείῳ κομιζόμενοσ ἐποιεῖτο τὰσ στρατείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 33

(플루타르코스, Aratus, chapter 33)

상위

목록

SEARCH

MENU NAVIGATION