헬라어 문장 검색 - Πλυταρ́Αρατυσ́18́

(플루타르코스, Aratus, chapter 18)

ἀλλὰ γὰρ Ἀντίγονοσ μὲν, ὥσπερ εἴρηται, κτησάμενοσ τὸν Ἀκροκόρινθον ἐφύλαττε, μετὰ τῶν ἄλλων οἷσ ἐπίστευε μάλιστα καὶ Περσαῖον ἐπιστήσασ ἄρχοντα τὸν φιλόσοφον. ὁ δὲ Ἄρατοσ ἔτι μὲν καὶ Ἀλεξάνδρου ζῶντοσ ἐπεχείρησε τῇ πράξει, γενομένησ δὲ συμμαχίασ τοῖσ Ἀχαιοῖσ πρὸσ τὸν Ἀλέξανδρον ἐπαύσατο. τότε δὲ αὖθισ ἐξ ὑπαρχῆσ ἑτέραν ἔλαβε τῆσ πράξεωσ ὑπόθεσιν τοιαύτην.

ἦσαν ἐν Κορίνθῳ τέσσαρεσ ἀδελφοὶ Σύροι τὸ γένοσ, ὧν εἷσ ὄνομα Διοκλῆσ ἐν τῷ φρουρίῳ μισθοφορῶν διέτριβεν. οἱ δὲ τρεῖσ κλέψαντεσ βασιλικὸν χρυσίον ἦλθον εἷσ Σικυῶνα πρὸσ Αἰγίαν τινὰ τραπεζίτην, ᾧ διὰ τὴν ἐργασίαν ὁ Ἄρατοσ ἐχρῆτο. καὶ μέροσ μὲν εὐθὺσ διέθεντο τοῦ χρυσίου, τὸ δὲ λοιπὸν εἷσ αὐτῶν Ἐργῖνοσ ἐπιφοιτῶν ἡσυχῇ κατήλλαττεν. ἐκ δὲ τούτου γενόμενοσ τῷ Αἰγίᾳ συνήθησ, καὶ προαχθεὶσ εἷσ λόγον ὑπ’ αὐτοῦ περὶ τῆσ φρουρᾶσ, ἔφη πρὸσ τὸν ἀδελφὸν ἀναβαίνων πρὸσ τὸ κρημνῶδεσ ἐντομὴν καθεωρακέναι πλαγίαν, ἄγουσαν ᾗ χθαμαλώτατον ἐπῳκοδόμηται τῷ φρουρίῳ τὸ τεῖχοσ, προσπαίξαντοσ δὲ αὐτῷ τοῦ Αἰγίου καὶ εἰπόντοσ·

"εἶτα, ὦ βέλτιστε, διὰ μικρὸν οὕτω χρυσίου ἀνασπᾶτε τὰσ βασιλικὰσ πράξεισ, δυνάμενοι μίαν ὡρ́αν πολλῶν ἀποδόσθαι χρημάτων; "ἢ γὰρ οὐχὶ καὶ τοιχωρύχοισ καὶ προδόταισ ἁλοῦσιν ἅπαξ ἀποθανεῖν ὑπάρχει; γελάσασ ὁ Ἐργῖνοσ τότε μὲν ὡμολόγησεν ἀποπειρᾶσθαι τοῦ Διοκλέουσ τοῖσ γὰρ ἄλλοισ ἀδελφοῖσ μὴ πάνυ τι πιστεύειν, ὀλίγαισ δὲ ὕστερον ἡμέραισ ἐπανελθὼν συντίθεται τὸν Ἄρατον ἄξειν πρὸσ τὸ τεῖχοσ, ὅπου τὸ ὕψοσ οὐ μεῖζον ἦν πεντεκαίδεκα ποδῶν, καὶ τἆλλα συμπράξειν μετὰ τοῦ Διοκλέουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 18

(플루타르코스, Aratus, chapter 18)

상위

목록

SEARCH

MENU NAVIGATION