헬라어 문장 검색 - Πλυταρ́Αρατυσ́38́

(플루타르코스, Aratus, chapter 38)

οὕτω δὲ προπηλακισθείσ ἐβουλεύσατο μὲν εὐθὺσ ἀποθέσθαι τὴν σφραγῖδα καὶ τὴν στρατηγίαν ἀφεῖναι, λογισμῷ δὲ χρησάμενοσ τότε μὲν ὑπέμεινε, καὶ πρὸσ Ὀρχομενὸν ἐξαγαγὼν τοὺσ Ἀχαιούσ μάχην ἔθετο πρὸσ Μεγιστόνουν τὸν Κλεομένουσ πατρῳόν, ἐν ᾗ κρατήσασ τριακοσίουσ μὲν ἀπέκτεινε, ζῶντα δὲ τὸν Μεγιστόνουν συνέλαβεν. εἰωθὼσ δὲ στρατηγεῖν παρ’ ἐνιαυτόν, ὡσ ἡ τάξισ αὐτῷ περιῆλθε, καλούμενοσ ἐξωμόσατο, καὶ Τιμόξενοσ ᾑρέθη στρατηγόσ, ἐδόκει δὲ ἡ μὲν πρὸσ τοὺσ ὄχλουσ ὀργὴ πρόφασισ εἶναι λεγομένη τῆσ ἐξωμοσίασ ἀπίθανοσ, αἰτία δ’ ἀληθὴσ τὰ περιεστῶτα τοὺσ Ἀχαιούσ, οὐκέθ’ ὡσ πρότερον ἀτρέμα καὶ σχέδην τοῦ Κλεομένουσ ἐπιβαίνοντοσ οὐδ’ ἐμπλεκομένου ταῖσ πολιτικαῖσ ἀρχαῖσ, ἀλλ’ ἐπεὶ τοὺσ ἐφόρουσ ἀποκτείνασ καὶ τὴν χώραν ἀναδασάμενοσ καὶ πολλοὺσ τῶν μετοίκων ἐμβαλὼν εἰσ τὴν πολιτείαν ἔσχεν ἰσχὺν ἀνυπεύθυνον, εὐθὺσ ἐπικειμένου τοῖσ Ἀχαιοῖσ καὶ τῆσ ἡγεμονίασ ἑαυτὸν ἀξιοῦντοσ.

ἐπιστάντα σῴζειν τὸ κοινόν εἰ δ’ ἀπεγνώκει τὰ πράγματα καὶ τὴν δύναμιν τῶν Ἀχαιῶν, εἶξαι τῷ Κλεομένει, καὶ μὴ πάλιν τὴν Πελοπόννησον ἐκβαρβαρῶσαι φρουραῖσ Μακεδόνων, μηδὲ πληρῶσαι τὸν Ἀκροκόρινθον Ἰλλυρικῶν ὅπλων καὶ Γαλατικῶν, μηδὲ οὓσ αὐτὸσ ἐν ταῖσ πράξεσι καταστρατηγῶν καὶ καταπολιτευόμενοσ, ἐν δὲ τοῖσ ὑπομνήμασι λοιδορῶν διετέλει, τούτουσ ἐπάγεσθαι δεσπότασ ταῖσ πόλεσι συμμάχουσ ὑποκοριζόμενον.

εἰ δὲ Κλεομένησ ἦν, λεγέσθω γὰρ οὕτωσ, παράνομοσ καὶ τυραννικόσ, ἀλλ’ Ἡρακλεῖδαι πατέρεσ αὐτῷ καὶ Σπάρτη πατρίσ, ἧσ τὸν ἀφανέστατον ἄξιον ἀντὶ τοῦ πρώτου Μακεδόνων ἡγεμόνα ποιεῖσθαι τοὺσ ἔν τινι λόγῳ τὴν Ἑλληνικὴν τιθεμένουσ εὐγένειαν.

Ἀντίγονοσ δὲ καὶ κατὰ γῆν καὶ κατὰ θάλατταν αὐτοκράτωρ ἡγεμὼν ἀναγορευθείσ οὐχ ὑπήκουσε πρὶν τὸν μισθὸν αὐτῷ τῆσ ἡγεμονίασ ὁμολογηθῆναι τὸν Ἀκροκόρινθον, ἀτεχνῶσ τὸν Αἰσώπου μιμησάμενοσ κυνηγόν.

οὐ γὰρ πρότερον ἐπέβη τοῖσ Ἀχαιοῖσ δεομένοισ καὶ ὑποβάλλουσιν αὑτοὺσ διὰ τῶν πρεσβειῶν καὶ τῶν ψηφισμάτων ἢ τῇ φρουρᾷ καὶ τοῖσ ὁμήροισ ὥσπερ χαλινουμένουσ ἀνασχέσθαι. καίτοι πᾶσαν ὁ Ἄρατοσ ἀφίησι φωνὴν ἀπολογιζόμενοσ τὴν ἀνάγκην, ὁ Πολύβιοσ δὲ αὐτὸν ἐκ πολλοῦ φησι καὶ πρὸ τῆσ ἀνάγκησ ὑφορώμενον τὸ θράσοσ τὸ τοῦ Κλεομένουσ κρύφα τῷ Ἀντιγόνῳ διαλέγεσθαι, καὶ τοὺσ Μεγαλοπολίτασ προκαθιέναι δεομένουσ Ἀχαιῶν ἐπικαλεῖσθαι τὸν Ἀντίγονον.

ὁμοίωσ δὲ καὶ Φύλαρχοσ ἱστόρηκε περὶ τούτων, ᾧ μὴ τοῦ Πολυβίου μαρτυροῦντοσ οὐ πάνυ τι πιστεύειν ἄξιον ἦν.

ἐνθουσιᾷ γὰρ ὅταν ἅψηται τοῦ Κλεομένουσ, ὑπ’ εὐνοίασ, καὶ καθάπερ ἐν δίκῃ τῇ ἱστορίᾳ τῷ μὲν ἀντιδικῶν διατελεῖ, τῷ δὲ συναγορεύων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 38

(플루타르코스, Aratus, chapter 38)

상위

목록

SEARCH

MENU NAVIGATION