헬라어 문장 검색 - Πλυταρ́Αρατυσ́44́

(플루타르코스, Aratus, chapter 44)

ἐν δὲ ταῖσ Πηγαῖσ δόντεσ καὶ λαβόντεσ ὁρ́κουσ εὐθὺσ ἐβάδιζον ἐπὶ τοὺσ πολεμίουσ, καὶ περὶ τὴν πόλιν ἀγῶνεσ ἦσαν, εὖ πεφραγμένου τοῦ Κλεομένουσ καὶ τῶν Κορινθίων ἀμυνομένων προθύμωσ. ἐν τούτῳ δὲ Ἀριστοτέλησ ὁ Ἀργεῖοσ φίλοσ ὢν Ἀράτου διαπέμπεται κρύφα πρὸσ αὐτόν, ὡσ ἀποστήσων τὴν πόλιν, εἰ στρατιώτασ ἐκεῖνοσ ἔχων ἔλθοι. τοῦ δὲ Ἀράτου φράσαντοσ τῷ Ἀντιγόνῳ καὶ μετὰ χιλίων καὶ πεντακοσίων εἰσ Ἐπίδαυρον ἐξ Ἰσθμοῦ πλοίοισ κομιζομένου κατὰ τάχοσ, οἱ μὲν Ἀργεῖοι προεξαναστάντεσ ἐπέθεντο τοῖσ τοῦ Κλεομένουσ καὶ κατέκλεισαν εἰσ τὴν ἀκρόπολιν, ὁ δὲ Κλεομένησ πυθόμενοσ ταῦτα, καὶ δείσασ μὴ κατασχόντεσ οἱ πολέμιοι τὸ Ἄργοσ ἀποκόψωσιν αὐτὸν τῆσ οἴκαδε σωτηρίασ, ἐκλιπὼν Τὸν Ἀκροκόρινθον ἔτι νυκτὸσ ἐβοήθει.

καὶ παρελθὼν μὲν εἰσ Ἄργοσ ἔφθη καὶ τροπήν τινα τῶν πολεμίων ἐποίησεν, ὀλίγῳ δὲ ὕστερον Ἀράτου προσφερομένου καὶ τοῦ βασιλέωσ ἐπιφαινομένου μετὰ τῆσ δυνάμεωσ ἀπεχώρησεν εἰσ Μαντίνειαν.

ἐκ τούτου τοῖσ μὲν Ἀχαιοῖσ πάλιν αἱ πόλεισ ἅπασαι προσεχώρησαν, Ἀντίγονοσ δὲ Τὸν Ἀκροκόρινθον παρέλαβεν, Ἄρατοσ δὲ στρατηγὸσ αἱρεθεὶσ ὑπ’ Ἀργείων ἔπεισεν αὐτοὺσ Ἀντιγόνῳ τά τε τῶν τυράννων καὶ τὰ τῶν προδοτῶν χρήματα δωρεὰν δοῦναι. τὸν δὲ Ἀριστόμαχον ἐν Κεγχρεαῖσ στρεβλώσαντεσ κατεπόντισαν, ἐφ’ ᾧ καὶ μάλιστα κακῶσ ἤκουσεν ὁ Ἄρατοσ, ὡσ ἄνθρωπον οὐ πονηρόν, ἀλλὰ καὶ κεχρημένον ἐκείνῳ καὶ πεπεισμένον ἀφεῖναι τὴν ἀρχὴν καὶ προσαγαγεῖν τοῖσ Ἀχαιοῖσ τὴν πόλιν, ὅμωσ περιιδὼν παρανόμωσ ἀπολλύμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 44

(플루타르코스, Aratus, chapter 44)

상위

목록

SEARCH

MENU NAVIGATION